
Danişîna doza Demokratîk Modernîteyê hat taloqkirin  

2022-11-08 16:34:02


	&nbsp;

	STENBOL - Di danişîna ewil a Demokratîk Modernîteyê de dadgehê biryar da ku xwe li benda înfazkirina biryara “girtinê” ya derheqê Cîhan Dogan û Nazan Ustundag bigirin û danişîn taloq kir.&nbsp;

	&nbsp;

	Ji ber nivîsên di kovara Demokratîk Modernîteyê de, derheqê Midûrê ji Karên Nivîsan Berpirsyar Ramazan Yurttapan û edîtorê kovarê Haydar Ergul û 3 nivîskaran de bi îdiaya “miletê tirk biçûk xistine” doz hatibû vekirin. Danişîna ewil a dozê li 2’yemîn Dadgeha Cezayên Giştî ya Çaglayanê pêk hat. Yurttapan û Ergul di danişînê de amade bûn û nivîskarê kovarê Mûsa Şanak jî li Girtîgeha Tîpa F a bi Ewlekariya Bilind a Boluyê bi rêya Pergala Deng û Dîmen (SEGBÎS) tev li danişînê bû. Parêzer Ozcan Kiliç jî di danişînê de amade bû.&nbsp;

	&nbsp;

	Ergul û Yurttapan di danişînê de parastina xwe kirin û diyar kirin ku di nivîsa behsa xeberê de tu sûc nînin. Şanak jî da zanîn ku nivîsa wî ji kovarê re şandibû bi kurdî bû û gotina “tirktiya zextker durû ye” ji bo tevahiya gelê tirk negotiye. Şanak, destnîşan kir ku têkildarî tawanbariya li wî hatiye kirin, îfadeya nivîskî jî şandiye.&nbsp;

	&nbsp;

	Dozgeriyê, xwest ku kêmaniyên di dosyayê de bên temamkirin. Dadgehê jî biryar da ku xwe li benda înfazkirina biryara “girtinê” ya derheqê Cîhan Dogan û Zulal Nazan Ustundag bigirin. Danişîn, taloqî 16’ê adara 2023’yan hat kirin.&nbsp;

	&nbsp;