
Gelek deverên Rojava û Herêma Federe ya Kurdistanê hatin bombebarankirin

2022-11-20 00:48:17


	&nbsp;

	&nbsp;

	NAVENDA NÛÇEYAN – Dewleta tirk şevê din gelek bajarên Bakur û Rojhilatê Sûriyeyê û deverên Herêma Federe ya Kurdistanê bi balafiran bombebaran kir.&nbsp;

	&nbsp;

	Dewleta tirk şevê din gelek bajarên Bakur û Rojhilatê Sûriyeyê û deverên Herêma Federe ya Kurdistanê bi balafirên şer bombebaran kir. Balafirên ku li pey hev rabûn, Kobanê, Şehba, Dêrik û Girê Spî yên Bakur û Rojhilatê Sûriyeyê bombebaran kirin.&nbsp;

	&nbsp;

	Li bajarê Kobanê ku li dijî DAIŞ’ê têkoşîneke mezin hatibû dayîn Girê Miştenûrê hedef hat girtin. Piştre jî gundê Helincê û Taxa Kaniya Kurdan ên li rojhilatê bajêr hatin bombebarankirin. Piştre jî gundên Bêlûniyê û Şêx Îsa yên herêma Şehbayê, Keleha Şiwarxê ya li navçeya Şerayê û embarên genim ên Dehir Ereb ku li bakurê rojhilatê Zirganê ne hatin bombebarankirin.&nbsp;

	&nbsp;

	Têkildarî mijarê Berdevkê Çapemeniya HSD’ê Ferhad Şamî li ser hesaba xwe ya twîtterê ev peyam parve kir: “#Kobanê ya ku DAIŞ têk bir, niha ji hêla balafirên şer ên dewleta tirk a dagirker ve tê bombebarankirin.”

	&nbsp;

	Di heman demê de dewleta tirk herêma çoltar a di navbera gundên Teqil Beqil û Gir Kendal a li herêma Koçeratê ya li ser sînorê Dêrik a Qamişloyê jî bombebaran kir. Yek ji deverên hatin bombebarankirin jî Girê Çelê bû ku li gundê Til Şiyê yê herêma Beravê ye.&nbsp;

	&nbsp;

	Her wiha gelek noqteyên li herêma Çiyayê Qendîlê yê li Herêma Federe ya Kurdistanê jî bi dijwarî hatin bombebarankirin.&nbsp;

	&nbsp;