
Tirkiyeyê li Kobanê nexweşxane kir hedef û bi temamî rûxand 

2022-11-20 11:56:06


	&nbsp;

	NAVENDA NÛÇEYAN - Di êrişa li dijî Kobanê de dewleta tirk nexweşxane hedef girt. Li gorî nûçeya ANHA’yê; di encama bombebarana artêşa tirk a li dijî Girê Miştenûrê de Nexweşxaneya Koronayê bi temamî hat rûxandin.&nbsp;

	&nbsp;

	Dewleta tirk şevê din di saetên dereng de gelek Kobanê, Şehba, Girê Spî, Dêrik û gelek deverên Bakur û Rojhilatê Sûriyeyê û Herêma Federe ya Kurdistanê bi dijwarî bombebaran kir. Êrişên dewleta tirk ên li dijî Bakur û Rojhilatê Sûriyeyê hêj berdewam in. Li gorî nûçeya Ajansa Nûçeyan a Hawarê (ANHA); dewleta tirk di êrişê de Nexweşxaneya Koronayê ya li ser Girê Miştenûrê hedef girt.&nbsp;

	&nbsp;

	Hat zanîn ku dewleta tirk îro di danê sibehê de li dijî Girê Miştenûr, başûrê Girê Miştenûrê, Taxa Nû ya Kobanê û Kaniya Kurdan a li rojhilatê bajêr 6 êriş pêk anîn. Di encama êrişa dewleta tirk de Nexweşxaneya Koronayê ya li ser Girê Miştenûrê bi temamî hat rûxandin.&nbsp;

	&nbsp;