
Doza Malbata Dedeogûllari: Xalên têkildarî sûcê li dijî mirovahiyê esas nehatin girtin  

2022-11-21 09:03:15


	ENQERE - Parêzer Atîlla Kart ê ku doza Qetlîama Malbata Dedeogûllari wekî "darizandinek nederbasdar" nirxand, diyar kir ku xalên ku qirkirin û sûcên li dijî mirovahiyê bi rê ve dibin, esas nehatine girtin.

	&nbsp;

	Heft ferdên malbata Dedeogûllari ku di 12’ê gulana 2021’an de li navçeya Meram a Konyayê bi êrişa nîjadperest a malbatên Keleş û Çalîk re rûbirû hatibûn hiştin. Ferdên malbatê ku nehatin parastin, di 30’ê tîrmeha 2021’an de ji aliyê kujer Mehmet Altun ve hatibûn qetilkirin.&nbsp;

	&nbsp;

	BÊYÎ PARÊZERAN BIRYAR HAT DAYÎN&nbsp;

	&nbsp;

	Danişîna biryarê ya doza qetlîamê di 17'ê mijdarê de ku kujer Mehmet Altun jê dihat darizandin, hat lidarxistin. Danişîn li 4'emîn Dadgeha Cezayê Giran a Konyayê hat lidarxistin. Heyeta dadgehê bi darê zorê ferdê malbatê Çetîn Dedeogûllari bi tenê maye û parêzeran ji eywana dadgehê derxist. Dadger danişînê berdewam kir û biryar eşkere kir. Ev biryara dadgehê wek "dixwazin qetlîama nijadperest bê veşartin" pênasekirin.&nbsp;

	&nbsp;

	Dadgehê li kujer Mehmet Altûn ku 7 ferdên malbata Dedeogûllari qetil kiribû 7 caran cezayê muebeda giran birî. Dadgehê derbarê bersûcên din de jî biryara beraetê da.&nbsp;

	&nbsp;

	Ji parêzerên doza Qetlîama Dedeogullari Atîlla Kart, biryarên di 17'ê mijdarê de hatin dayîn nirxand û bal kişand ser helwesta heyeta dadgehê ya di danişînê de. Kart bal kişand ser "biryareke ku di warê hiqûqî, wijdanî û rewatiyê de bê bandor e" û got salek e di dozê de "darizandineke şiklî” hat kirin.&nbsp;

	&nbsp;

	KUJER MEAŞÊ NEDIYAR STENDIYE&nbsp;

	&nbsp;

	Kart bi bîr xist ku kujer Mehmet Altun beriya komkujiyê 70 roj li otêlên luks maye û got: "Lê belê ev qatil bêkar e, bê hêz e, lê 4-5 sal in meaşekî nediyar distîne." Kart diyar kir ku qeydên HTS’ê yên kujer Altûn li fermandariya leşkeriyê û midûriyeta polîsan derketine û wî ne bi serê xwe qetlîam pêk aniye û qetlîam bi awayek hûnandî pêk hatiye. Kart anî ziman ku divê qeydên HTS’ê yên kujer bên lêkolînkirin.&nbsp;

	&nbsp;

	GILIYÊ HEYETÊ KIRINE&nbsp;

	&nbsp;

	Kart da zanîn ku wan derbarê 4’emîn, 8’emîn û 9’emîn Dadgehên Cezayên Giran ên Konyayê de bi hinceta binpêkirina erk û rayeyê û nebûna edaletê serî li Desteya Dadger û Dozgeran (HSK) dane. Kart diyar kir ku xalên ku qirkirin û sûcên li dijî mirovahiyê bi rê ve dibin, nehatine bikaranîn.

	&nbsp;

	MA / Firat Can Arslan

	&nbsp;