
Amerîka, Fransa, Rûsya û Almayayê ji bo Rojava daxuyanî dan

2022-11-22 13:06:58


	&nbsp;

	ENQERE - Pentagonê, diyar kir ku êrişên hewayî yên Tirkiyeyê gefan li armanca têkoşîna li dijî DAIŞ’ê dixwe, Parlamentoya Ewropa û Rûsyayê jî bang li Tirkiyeyê kir ku gavên zêde neavêje.&nbsp;

	&nbsp;

	Dewletên Yekgirtî yên Amerîkayê (DYA), Fransa, Rûsya û Almanyayê, têkildarî êrişên dewleta tirk ên bi bialafirên şer di 20’ê mijdarê de li dijî herêmên Bakur û Rojhilatê Sûriyeyê û Herêma Kurdistana Federe dane destpêkirin daxuyanî dan. &nbsp;

	&nbsp;

	PENTAGON: JI BO TÊKOŞÎNA LI DIJÎ DAIŞ’Ê GEFEKE&nbsp;

	&nbsp;

	Pentagonê di daxuyaniya ku nivîskî da de wiha got: “Wezareta Parastinê li dijî hemû çalakiyên leşkerî ku rewşa Sûriyeyê bêîstîkrar dike û bi hikumeta Iraqê re nehatiye koordînekirin derdikeve. Ev çalakiyên wiha gefan li têkoşîna li dijî DAIŞ’ê tê dayîn dixwe.”

	&nbsp;

	Wezareta Karên Derve ya DYA’yê jî daxuyaniyeke nivîskî weşand û wiha gotÇ: “Em bang li Tirkiyeyê dikin ku rageşiya li Sûriyeyê kêm bike. Em li dijî çalakiyên leşkerî yên serweriya Iraqê binpê dikin û bi wê re nehatine koordînekirin derdikevin.”

	&nbsp;

	RÛSYA Û FRANSAYÊ JÎ DAXUYANÎ DAN&nbsp;

	&nbsp;

	Wezîra Karên Derve ya Fransayê Catherîna Colonna jî têkildarî êrişên dewleta tirk wiha got: “Ne cara ewil e ku Tirkiye êrişî dewleteke din dike. Her carê em fikarên xwe tînin ziman û banga hestiyariyê dikin. Em fikarên Tirkiyeyê fêm dikin lê wiha nayên çareserkirin.”

	&nbsp;

	‘JI ÊRIŞAN AGAHIYA ME NÎNE’

	&nbsp;

	Nûnerê Taybet ê Sûriyeyê yê Serokê Dewleta Rûsyayê Alexander Lavrentyev jî diyar kir ku dewleta tirk beriya êrişê tu agahî nedane wan û wiha got: “Em bang dikin ku pirsgirêka kurd bi rêyên aştiyane çareser bikin û Tirkiye gavên zêde neavêje.”

	&nbsp;

	ALMANYA: WINDAHIYÊN SIVÎLAN BIFIKAR IN&nbsp;

	&nbsp;

	Berdevkê Wezareta Karên Derve yê Almanyayê Chrîstopher Burger jî wiha axivî: “Em bang li Tirkiyeyê dikin ku rêzê ji hiqûqa navnetewî re bigire. Ev yek bi taybetî parastina sivîlan digire nava xwe. Û piştî êrişên Tirkiyeyê windahiyên sivîlan gelek bifikar in.”

	&nbsp;

	AP: EM TIRKIYEYÊ VEDIXWÎNIN GAVEKE ZÊDE NEAVÊJE&nbsp;

	&nbsp;

	Seroka Parlamentoya Ewropayê (PE) Roberta Metsola ku di vekirina civîna Lijneya Giştî ya PE’yê kul i bajarê Strasbourg ê Fransayê hate lidarxistin de axivî, diyar kir ku êrişên dewleta tirk dibin sedemê xwîn rijandinê û wiha bang kir: “Em bang li meqamên tirk dikin ku gaveke zêde neavêjin û rêzê ji hiqûqa navnetewî re bigirin.”

	&nbsp;