
Berxwedana ‘Jin, jiyan, azadî’ di hefteya 12’an de didome 

2022-12-04 12:16:00


	&nbsp;

	NAVENDA NÛÇEYAN - Berxwedana “jin, jiyan, azadî” ku li bajarên rojhilatê Kurdistanê û Îranê hatibû destpêkirin, di hefteya 12’an de didome.&nbsp;

	&nbsp;

	Çalakiyên protestoyî yên li bajarên rojhilatê Kurdistanê û Îranê ku piştî qetilkirina jina ciwan a kurd Jîna Emînî ji hêla rejîma Îranê ve di 16’ê îlonê de hatibûn destpêkirin, di hefteya 12’an de jî didomin. Li bajarê Abdanan ê girêdayî Eyaleta Îlam a Rojhilat, malbatên girtiyan li pêşiya dadgehan çalakî li dar xistin û xwestin ku çalakvanên hatine girtin bên berdan. Malbatan tevî êrişan jî çalakiya xwe domandin.&nbsp;

	&nbsp;

	Li bajarê Sineyê jî komeke xwendekarên jin bi dirûşma “Jin, jiyan, azadî” bertek nîşanî tundiya li dijî jinê dan. Li Seqizê jî ciwanan agir hil kirin û gelek rê li trafîkê girtin. Li bajarê Qurweşê jî meşa bêdeng hat lidarxistin.&nbsp;

	&nbsp;

	Her wiha çalakiyên li bajarê Tehranê jî berdewam in. Ajokaran, çalakiya xwe ya grevê berdewam kirin.&nbsp;

	&nbsp;

	Dê çalakvanên ji rojhilatê Kurdistanê û Îranê di 5 û 7’ê kanûnê de li seranserî welêt grev û çalakiyan li dar bixin. Ji bo tevlibûna grev û çalakiyan bang tên kirin.&nbsp;

	&nbsp;