
Li Kobanê bi hezaran kes li dijî tecrîdê meşiyan 

2022-12-04 16:39:41


	&nbsp;

	NAVENDA NÛÇEYAN – Bi mebesta protestokirina tecrîda girankirî ya li ser Rêberê PKK’ê Abdullah Ocalan, bi hezaran kes li Kobanê meşiyan.&nbsp;

	&nbsp;

	Bi mebesta protestokirina tecrîda girankirî ya li ser Rêberê PKK’ê Abdullah Ocalan, bi hezaran şêniyên Herêma Firatê li Kobanê meşiyan. Meş, li Qada Azad a Kobanê hat lidarxistin. Di çalakiyê de wêneyên Rêberê PKK’ê Abdullah Ocalan hatin bilindkirin û bi dirûşmên “Bê Serok jiyan nabe” &nbsp;û “Bimirin mêtînger” ber bi Taxa Kobanêya Nû ve meşiyan.&nbsp;

	&nbsp;

	Meş, li Taxa Kobanêya Nû veguherî mitîngê. Di mitîngê de Endama Koordînasyona Kongra Star a Herêma Firatê Macîda Hesûn axivî. Hesen, tecrîda li ser Ocalan û bêdengiya hêzên navdewletî ya li hemberî vê binpêkirina dewleta tirk şermezar kir. Bi domdarî Hesen ev tişt anî ziman: “Hêzên navneteweyî qala mafên mirovan dikin lê belê di mijara Rêber Ocalan de xwe bêdeng dikin. Girankirina tecrîd3e, berdewamiya komploya navneteweyî ye.”&nbsp;

	&nbsp;

	Bi domdarî Hesen destnîşan kir ku Ocalan bi fikr û felsefeya xwe ruhekî nû daye wan û wiha bi dawî kir: “Em ê şerê gelê şoreşgerî dewam bikin da ku em ji destê zordestan xilas bibin. Divê hemû gelên herêmê li hember êrişên dewleta tirk a dagirker hevgirtî bin û ji bo pêkanîna azadiya fîzîkî ya Rêber Ocalan têbikoşin.”

	&nbsp;

	Çalakî bi dirûşma “Berxwedan jiyan e” bi dawî bû.&nbsp;

	&nbsp;