
Konseya Federe ya Swîsreyê: Em geşedanên têkildarî îdiayên çekên kîmyewî dişopînin 

2022-12-11 09:56:45


	&nbsp;

	NAVENDA NÛÇEYAN - Konseya Federe ya Swîsreyê têkildarî pêşnûmepirsên têkildarî bikaranîna çekên kîmyewî ji hêla dewleta tirk ve wiha bersivand: “Em, geşedanên têkildarî îdiayên bikaranîna çekên kîmyewî dişopînin.”&nbsp;

	&nbsp;

	Çekên kîmyewî yên ku dewleta tirk li qadên Zap, Metîna û Avaşîn ên Herêma Federe ya Kurdistanê bi kar tîne û êrişên li ser Bakur û Rojhilatê Sûriyeyê di rojeva Parlamentoya Swîsreyê de ne. Konseya Federe ya Swîsreyê pêşnûmepirsên Parlamentera Parlamentoya Neteweyî ya Partiya Sosyalîst Claudia Friedl û Parlamenterê Partiya Kesk Nikolas Walder ên derheqê mijarên behsa xeberê bersivand.&nbsp;

	&nbsp;

	‘LI DIJÎ HIQÛQA NAVNETEWEYÎ YE’&nbsp;

	&nbsp;

	Bersiva Konseya Federe wiha ye: “Wezareta Karên Derve bi meqamên tirk re peywendiyên nêz didanin. Wezaretê, demildest fikarên xwe yên têkildarî êrişên hewayî yên ne li gorî şert û hiqûqa Neteweyên Yekbûyî (NY) anîn ziman. Bang li Tirkiyeyê hat kirin ku çi dibe bila divê rêz li berpirsyartiyên di çarçoveya hiqûqê de bigire û rê li ber kuştina sivîlan veneke. Swîsre ji bo piştevaniya bi aştî û ewlehiya herêmê, di gelek astan de xebateke çalak dike.&nbsp;

	&nbsp;

	BIKARANÎNA ÇEKÊN KÎMYEWÎ

	&nbsp;

	Herî dawî partnerên Swîsreyê geşedanên derheqê îdiayên bikaranîna çekên kîmyewî de dişopîne. Bi taybet jî baweriya wê bi pozîsyona Rêxistina Qedexekirina Çekên Kîmyewî (OPCW) ya li dijî van tawanbariyan tê.”&nbsp;

	&nbsp;