
Tevî êrişan jî li gelek bajarên Îranê meş hatin lidarxistin

2022-12-11 12:44:41


	&nbsp;

	NAVENDA NÛÇEYAN - Tevî êrişên hêzên rejîmê jî li gelek bajarên Îran û rojhilatê Kurdistanê meş hatin lidarxistin.&nbsp;

	&nbsp;

	Çalakiyên protestokirinê yên li bajarên rojhilatê Kurdistanê û Îranê piştî qetilkirina Jîna Emîn hatin destpêkirin di roja 83’yan de berdewam dikin. Duh li Sineyê gelek xwendekarên jin li dijî qedexeyan derketin kolanan û bi dirûşma “Jin, jiyan, azadî” meş li dar xistin. Hêzên rejîma Îranê jî êrişî xwendekaran kir. Hat ragihandin ku di encama êrişan de gelek xwendekar birîndar bûne.&nbsp;

	&nbsp;

	Li bajarê Sineyê komeke çalakvanan li pêşiya mala Humen Abdullah merasîma bîranînê li dar xist. Her wiha Ferhat û Ferzad Tahazade ku birayên hev in, li bajarê Şînoyê hatin binçavkirin û dadgehê ji bo her du birayan biryara darvekirinê da.&nbsp;

	&nbsp;

	Li bajarên Tehran, Îsfehan û gelek bajarên din ên Îranê jî meşên bêdeng hatin lidarxistin. Hêzên rejîmê êrişî çalakvanan kirin. Her wiha li gelek zanîngehan jî çalakiya boykotkirinê ya xwendekaran didome.&nbsp;

	&nbsp;