
‘Divê li dijî tevgerên nîjadperest ên li dijî kurdan têkoşîn bê meşandin’

2022-12-15 17:04:29


	&nbsp;

	STENBOL - Komîsyona li Dijî Cihêkarî û Nijadperestiyê ya Şaxa ÎHD’a Stenbolê banga têkoşîna li dijî tevgerên nîjadperest ên li kurdan kir.&nbsp;

	&nbsp;

	Komîsyona Li Dijî Cihêkarî û Nijadperestiyê ya Şaxa Komeleya Mafên Mirovan (ÎHD) a Stenbolê ji bo ku di Heftaya Mafê Mirovan de balê bikişîne ser cihêkarî û nîjadperstiya li dijî kurdan, li avahiyê komeleyê daxuyanî da. Di daxuyaniyê de afîşa “Kurd û kurdî nayê biçûkxisitin, her zimanek binirx e” hate daliqandin û dovîzên ku heqaretên nîjadperestî li ser hatibûn bicihkirin hatin hilgirtin. Tevî Eren Keskîn, gelek mafparêz tev li daxuyaniyê bûn. Endama Komîsyona Li Dijî Cihêkarî û Nîjadperestiyê Gulistan Yarkin xwend.&nbsp;

	&nbsp;

	Yarkin destnîşan kir ku nîjadperstî bi destê desthilata tirk ve li qadên aborî, civakî û siyasî dikeve meriyetê û li Tirkiyeyê li ser her kesê ku ne tirk, înkar û jibîrkirina nasnameya xwe tê ferzkirin. &nbsp;Bi domdarî Yarkin da zanîn ku kesên vê yekê qebûl nekin jî bi rêyên cuda biçûk tên xistin.&nbsp;

	&nbsp;

	REJÎMA BI SERDESTIYA NÎJADA TIRK

	&nbsp;

	Di berdewamê de Yarkin da zanîn ku herî zêde kurd rastî van sepanên nîjadperest tên û piştî ku kurd di salên 1990’î de koçî metropolan kirin zêdetir bûne. Di berdewama axaftina xwe de Yarkin anî ziman ku li djî kurdan peyvên nîjadperest têne bikaranîn û ev tişt anî ziman: "Ev peyv ji hêla nîjada serdest a tirk ve ji nû ve tên afirandin û xurtkirin."&nbsp;

	&nbsp;

	Yarkin ji bo bidawîkirina vê rewşê banga têkoşînê kir.&nbsp;

	&nbsp;