
Bombeya gazê ya qedexekirî li Zapê hatiye bikaranîn 

2022-12-18 16:58:41


	NAVENDA NÛÇEYAN - Dîmenê bombeyên gazê yên qedexekirî ku dewleta tirk li herêmên Zap, Metîna û Avaşînê bi kar anîn hate weşandin.&nbsp;

	Êrişên dewleta tirk ên li dijî herêmên Zap, Metîna û Avaşîn ên Herêma Federe ya Kurdistanê bênavber didomin. Tirkiye her tim bi bikaranîna çekên kîmyewî di rojevê de ye. Li gorî nûçeya Ajansa Nûçeyan a Firatê (ANF), dîmenên bombeyên gazê ku li ser “Bombeya destan a gazê” hatiye nivîsandin hatin weşandin.&nbsp;

	&nbsp;

	GAZÊN QEDEXEKIRÎ&nbsp;

	&nbsp;

	Tê gotin ku bombeyên behsa xeberê di Peymana Têkildarî Qedexekirin û Îmhakirina Pêşxistin, Hilberandin, Komkirin û Bikaranîna Çekên Kîmyewî ku di 13’ê çileya sala 1993’yan de li Parîsê hatibû îmzekirin, hatiye qedexekirin. Ji 193 dewletên ku ev peyman îmzekirî yek jê jî Tirkiye ye.&nbsp;

	&nbsp;

	Rêxistina Qedexekirina Çekên Kîmyewî (OPCW) dibêje heke bombeyên ku rondikan ji çavên mirovan tînin di şer de bên bikaranîn, weke çekên kîmyewî tên hesibandin.&nbsp;

	&nbsp;