
Bafil Talabanî hevdîtin bi Mazlûm Ebdî re kir  

2022-12-20 22:04:40


	&nbsp;

	NAVENDA NÛÇEYAN - Serokê YNK'ê Bafil Talabanî ku çû Rojavayê, hevdîtin bi Fermandarê Giştî yê QSD'ê Nazlûm Ebdî re kir.&nbsp;

	&nbsp;

	Serokê Giştî yê YNK'ê Bafil Celal Talabanî, &nbsp;ji bo hin pêwendîdanînan çû Rojavayê û di serdana xwe ya li Rojavayê de ewilî hevdîtin bi Fermandarê Giştî yê Hêzên Sûriyeya Demokratîk (QSD) Mazlûm Ebdî re kir.&nbsp;

	&nbsp;

	Li gorî nûçeya ku malpera fermî Pukmedia ya YNK'ê ragihandiye Bafil Celal Talebanî di hevdîtinê de diyar kiriye ku YNK amade ye ku pirsgirêkên heyî bi awayekî aştiyane çareser bike û got: &nbsp;“Em ê hemû hewlên xwe bidin ji bo ku diyalog bibe bingeha çareseriya pirsgirêkan û derbaskirina rewşê."

	&nbsp;

	Hat diyarkirin ku Rêveberê Giştî yê Dijî Terorê Wehab Helebceyî jî di civînê de bûye û rewşa siyasî ya Rojavayê Kurdistanê û Herêma Kurdistanê û pêşhatên siyasî yên girêdayî wê hatine gotûbejkirin. Di hevdîtinê de li ser pirsgirêka kurdî û li ser çareseriya aştiyane ya pirsgirêkan û berdewamiya hemahengiya leşkerî ji bo têkoşîna li dijî terorê hatiye sekinandin.&nbsp;

	&nbsp;

	Hat ragihandin ku dê Talabanî li Rojavayê Kurdistanê di warê leşkerî û siyasî de çend hevdîtinên din jî bike.&nbsp;