
Cenazeyên endamên HPG’ê li Goristana Bêkesan hatin veşartin

2022-12-21 16:26:43


	&nbsp;

	ŞIRNEX - Cenazeyên endamên HPG'ê ku li deverên bi ser Şirnexê ve di dîrokên cuda de jiyana xwe ji dest dane li Goristana Bêkesan hatin veşartin.

	&nbsp;

	Li deverên çiyayê Cûdî û Gabarê yê Şirnexê di şerên diqewimin de û endamên HPG'ê yên jiyana xwe ji dest didin radikin Morga Nexweşxaneya Dewletê ya Şirnexê. Hat zanîn ku cenazeyên hejmara wan nayê zanîn û ev demek bû li li morga Nexweşxaneya Dewletê ya Şirnexê dihatin ragirtin, bêyî agahî bidin malbatên wan li Goristana Bêkesan a taxa li Bahçelîevler ya Şirnexê ji aliyê polîsan ve hatine veşartin.&nbsp;

	&nbsp;

	Nehat zanîn ku çend cenaze hatine veşartin.&nbsp;

	&nbsp;

	Li aliyê din li morga Nexweşxaneya Dewletê ya Şirnexê di pevçûna ku di 3'ê Kanûnê de li Çiyayê Gabar şer qewimîbû û tê gotin 4 endamên HPG'ê jiyana xwe ji dest dane, ji ber ku hatine şewitandin nehatin teşhîskirin. Malbatên ku cenazeyên zarokên xwe teşhîs nekirin, ji bo DNA'yê nimûneya xwînê dan.&nbsp;

	&nbsp;