
Di lêpirsîna DBP’ê de ji bo 15 kesan biryara binçavkirinê 

2022-12-23 11:23:25


	&nbsp;

	AMED - Di lêpirsîna ser DBP’ê ya li 9 bajaran de derbarê 15 kesan de biryara binçavkirinê hat dayîn. Heta niha Hevsrokê Giştî Keskîn Bayindir jî di nav de 14 kes hatine binçavkirin.&nbsp;

	&nbsp;

	Serdozgeriya Komarê ya Amedê bi îdiaya “PKK/KCK” li dijî Partiya Herêmên Demorkatîk (DBP) de lêpirsîn da destpêkirin. Di çarçoveya lêpirsînê de Hevserokê Giştî Keskîn Bayindir û hevserokên bajaran jî di nav de derbarê 15 kesan de biryara binçavkirinê hat dayîn. Di vê çarçoveyê de îro serê sibehê li 9 bajarên Bakurê Kurdistanê polîsan bi ser malan û avahiyên partiyê de girt. Hevserokê Giştî Keskîn Bayindir jî di nav de 14 kes hatin binçavkirin.&nbsp;

	&nbsp;

	HEVSEROKÊN HATINE BINÇAVKIRIN&nbsp;

	&nbsp;

	Navên hevserokên DBP’ê ku hatine binçavkirin wiha ne: Hevserokê Giştî yê DBP’ê Keskîn Bayindir Hevserokên DBP’a Amedê Hayrettîn Altun û Seval Gulmez, Hevserokê DBP’ê yê Şirnexê Zekî Îrmez, Hevserokên DBP’a Wanê Şengul Polat û Harûn Okay, Hevserokê DBP’a Rihayê Hîdayet Enmek, Hevserokên DBP’a Dîlokê Ethem Unal û Zelîha Aslan, Hevserokê DBP’a Mêrdînê Şerafettîn Aslan.&nbsp;

	&nbsp;

	LÊGERÎNA LI SER AVAHIYAN&nbsp;

	&nbsp;

	Li gel biryara binçavkirinê Dadgeha Cezayê Sulhê jî biryara lêgerîna li avahiyên DBP’ê da. Li avahiyên 9 bajaran lêgerîn pêk hat. Li avahiyên DBP’ê yên Agirî û Êlihê didome û hat zanîn ku derbarê hevserokên her du bajaran de biryara binçavkirinê heye.&nbsp;

	&nbsp;

	Tê payîn hevserokên hatine binçavkirin di nava rojê de bînin Amedê.&nbsp;

	&nbsp;