
Bertekên li dijî êrişa li DBP'ê: Em ê AKP'ê bişînin   

2022-12-23 18:23:35


	&nbsp;

	NAVENDA NÛÇEYAN– Di protestoyên li dijî avêtina ser DBP'yê de wiha hat gotin: "Em ê AKP'ê bidarizînin û bişînin."&nbsp;

	&nbsp;

	Di çarçpveya lêpirsîna Serdozgeriya Komarê ya Amedê de, Hevserokê Giştî yê Partiya Herêmên Demokratîk (DBP) Keskîn Bayindir û hevserokên bajêr jî di nav de derbarê 15 kesan de biryara binçavkirinê hat girtin. Piştî biryarê li 9 bajaran polîsan avêt ser avahiyên partiyê û malan. Hevserokê Giştî yê DBP'ê Keskîn Bayindir û hevserokên bajêr di nav de 14 kes hatin binçavkirin. Bertekên li dijî binçavkirinan didomin.&nbsp;

	&nbsp;

	MÊRSÎN

	&nbsp;

	HDP'a Mêrsînê û Buroya Şêwirmendiyê ya DBP'ê ya Edeneyê li Parka Zarokê Azad daxuyaniyek dan. Parlementera HDP'ê ya Mêrsînê Fatma Kûrtûlan û gelek kes tevlî daxuyaniyê bûn. Hevberdevkê DBP'ê yê Çûkûrovayê Enver Guler vê êrişê wekî "êrişa li vîna rêxistinkirî ya kurdan" şîrove kir û got: "Em careke din dubare dikin ku em ê bi xurtkirina bertekên xwe yên demokratîk vê qirkirina siyasî pûç bikin."&nbsp;

	&nbsp;

	Kûrtûlanê jî got: "Em ê serî netewînin û çokê neşikînin."&nbsp;

	&nbsp;

	
		STENBOL
	
		&nbsp;
	
		HDP'a Stenbolê jî li avahiya partiya ya bajêr daxuyanî da. Beriya daxuyaniyê polîsan dora avahiya partiyê dorpêç kirin û nehiştin daxuyanî bê dayîn. Polîsan xwest têkevin hundirê avahiya partiyê. Hevseroka HDP'ê ya Stenbolê Îlknûr Bîrolê bertek nîşanî vê da. Li dijî êrişan dirûşmeyên "Li dijî faşîzmê mil bi mil" û "Bimire faşîzm" hatin berzkirin. Polîsan welatiya bi navê Rojhan Işiktaşê binçav kirin.&nbsp;
	
		&nbsp;
	
		
			ROJNAMEVAN HATIN ASTENGKIRIN
		
			&nbsp;
		
			Girse, di bin dorpêçê de daxuyanî da. Piştî israrkirina parlementeran polîsan tenê destûr rojnamevanekî da ku dîmenan bigire.&nbsp;
		
			&nbsp;
		
			Parlementera HDP'ê ya Stenbolê Zuleyha Gulumê bertek nîşanî êrişa li DBP'ê û dorpêçkirina avahiya partiyê da û got: "Em ê AKP'ê bidarizînin û bişînin."&nbsp;
		
			&nbsp;
		
			Daxuyanî bi berzkirina dirûşmeyan û bi çepikan bi dawî bû.&nbsp;
		
			&nbsp;
		
			
				ÎZMÎR
			
				&nbsp;
			
				Li Îzmîrê jî partiyên siyasî û sazî têkildarî êrişa polîsan a li DBP'ê li ber Navenda Çandê ya Turkan Saylanê ya Alsancakê daxuyanî dan. Di daxuyaniyê de pankarta li ser "Çewisandin û binçavkirin nikarin me bitepisînin. Êrişkariya we dê nikaribe pêşî li têkoşîna me bigire" nivîsandî hat vekirin û tim dirûşmeyên "Em bê bi berxwedanê bi ser bikevin" û "Bijî têkoşîna gelan" hatin berzkirin."&nbsp;
			
				&nbsp;
			
				Li ser navê saziyan Hevberdevkê Kongreya Demokratîk a Gelan (HDK) a Îzmîrê Mehmet Sabrî Gul metna daxuyaniyê xwend. Gul destnîşan kir ku ev êrişa li DBP'ê hewldaneke bêhûde ya klîka AKP-MHP'ê ye û got ku êrişa li Parîsê ya li hemberî NAvenda Çandê ya Ahmet Kaya jî ne derî desthilata faşîst a AKP-MHP'ê ye. Gul bang li gelan kir ku li dijî êrişên desthilatê, helwesta wê ya şer û pêkanînên wê yên qirkirina siyasî rabin.&nbsp;
		
	
	&nbsp;