Cenazeyê Evîn Goyiyê li Qendîlê spartin axê 

2023-01-05 18:54:05


	 

	NAVENDA NÛÇEYAN - Cenazeyê Endama Konseya Rêveber a KCK’ê Emîne Kara (Evîn Goyî) li Şehîdgeha Mehmet Karasûngûr a li Qendîlê bi tevlîbûna sedan kesî bi berzkirina dirûşmeyan hat veşartin.

	 

	Endama Konseya Rêveber a KCK’ê Emîne Kara (Evîn Goyî), ji Tevgera Çandê Mîr Perwer (Mehmet Şîrîn Aydin) û welatparêzê Kurd Abdûrrahman Kizil ên di 23’yê Kanûnê de li Navenda Çanda Kurd a Ahmet Kaya hatin qetilkirin, îro li Başûrê Kurdistanê û Bakurê Kurdistanê hatin birêkirin.

	 

	Cenazeyê Evîn Goyiyê bi rêya Balafirgeha Navneteweyî ya Silêmaniyê gihîşt Silêmaniyê û ji wir bi karwanekê ber bi Şehîgeha Mehmet Karasûngûr ve, a li Qendîlê, hat birêkirin.

	 

	Malbata Evîn Goyiyê û geleke welatparêz cenazeyê Evîn Goyiyê li Şehîdgeha Mehmet Karasûngûr spartin axê.