
Parêzerên Malbata Şenyaşar banga beşdariya dozê kirin 

2023-01-10 14:45:11


	&nbsp;

	RIHA - Parêzerên Malbata Şenyaşar ji bo danişîna doza êrişa li nexweşxaneyê ku dê di 17’ê çile de bê lidarxistin banga beşdariya dozê li her aliyên hestiyar kirin û xwest ku piştgiriyê bidin têkoşîna edaletê ya malbatê.

	&nbsp;

	Li navçeya Pirsûsê ya Rihayê di 14’ê Hezîrana 2018’an de beriya Hilbijartina Giştî, xizm û parêzvanên parlamentere AKP’ê Îbrahîm Halîl Yildiz êrişî dikana Malbata Şenyaşar kiribûn û êrişê ber nexweşxaneya Dewletê ya Pirsûsê dewam kiribû. Di êrişa li ber nexweşxaneyê de Haci Esvet Şenyaşar û lawên xwe Fadil û Adil Şenyaşar hatibûn qetilkirin. Emîne Şenyaşar û bi lawê xwe Ferît Şenyaşar re ji 9’ê Adara 2021’ê ve li ber Edliyeya Rihayê daxwaza edaletê dikin ku di dozê de pêk were.&nbsp;

	&nbsp;

	Lêpirsîna bûyerê cihê wek “êrişa li kargehê” û “êrişa li nexweşxaneyê” hat birêvebirin. Piştî komkujiyê 4 sal û 4 meh şûn ve îdianame hat amadekirin. Danişîna ewil a doza li ber nexweşxaneyê dê di 17’ê çile de li 5’emîn Dadgeha Cezayê Giran a Meletiyê bê lidarxistin.&nbsp;

	&nbsp;

	Parêzerên doza Malbata Şenyaşar têkildarî danişîna dê bêlidarxistin, li avahiya Komeleya Hiqûqnasên ji bo Azadiyê (OHD) a Şaxa Rihayê civîna çapemeniyê li dar xistin. Ferît Şenyaşar ku birîndarî ji êrişan rizgar bû tev li civînê bû.&nbsp;

	&nbsp;

	‘LÊPIRSÎNEK BIBANDOR NEHAT BIRÊVEBIRIN’

	&nbsp;

	Ji parêzerên malbatê, Sevda Çelîk Ozbîngol daxuyanî da û behsa tiştên roja bûyerê qewimîne kir û bal kişand ser hûrguliyên bûyerê. Ozbîngol anî ziman ku têkildarî komkujiyê lêpirsînek bi bandor nehatiye birêvebirin û ji ber vê yekê jî bi cihêkirina dosyeyan re yekbûna dosyeyê xera bûye û yên ku fermana bûyerê dane daxilî dosyeyê nehatine kirin. Ozbîngol got ser delîlên wek beyanên şahidan, dîmenên mobeseyê, raporên tiba edlî, agahiyên ragihandinê û daneyên qeyda sînyalê hatine nixumandin û bi vî awayî lêpirsîne hatiye kirin. Ozbîngol got bi vî awayî wê biryarek heqaniyet jî dernekeve û kujer jî serbest diğerin û rojane jiyana xwe didomînin.&nbsp;

	&nbsp;

	Ozbîngol nobeda edaletê ya Malbata Şenyaşar bi bîr xist û ji ber nobedê gelek doz û lêpirsîn li dayika Emîne Şenyaşar hatine vekirin û muameleya xerab li wê û lawê wê Ferît hatiye kirin.&nbsp;

	&nbsp;

	BANGA BEŞDARIYA DOZÊ&nbsp;

	&nbsp;

	Ozbîngol têkildarî lêpirsîna “nexweşxaneyê” agahî dan û bang li her alî û kesên hestiyar kir ku roja 17’ê mehê tev li danişîna dozê bibin û dixwazin her kes piştgiriyê bide têkoşîna edaletê ya Malbata Şenyaşar.&nbsp;

	&nbsp;

	&nbsp;