
Li Girtîgeha Xarpêtê girtiyan dest bi gireva birçîbûnê kir  

2023-01-12 19:14:48


	&nbsp;

	&nbsp;

	AMED – &nbsp;Ji Girtîgeha Xarpêtê girtiyan ragihand ku ji ber zext û zoriyan dest bi greva birçîbûnê kirine.&nbsp;

	&nbsp;

	Li Girtîgeha Xarpêtê ya Hejmara 2’yan girtiyan bi rêya telefonê ragihandin malbatên xwe k li dijî zext û zoriyan îro dest bi greva birçîbûnê kirine. 6 girtiyan dest bi greva birçîbûnê kiriye.&nbsp;

	&nbsp;

	Li gorî agahiyên ku girtiyan ragihandine malbatên xwe, di 10’ê çileyê de girtiyekî edlî ku derûniya wî xirab e, birine qawîşa girtiyên siyasî. &nbsp;Li ser vê yekê girtiyên siyasî gelek caran ji rêveberên girtîgehê xwestine ku girtiyê edlî ji qawîşa wan derxînin. Lê tevî vê yekê jî rêveberên girtîgehê daxwaza girtiyan qebûl nekiriye û her tim bi ser qawîşan de girtine û tundî li wan kirine.&nbsp;

	&nbsp;

	‘DEWLET ÇI BIXWAZÊ HÛN DÊ WISA BIKIN’

	&nbsp;

	Herî dawî jî girtiyê bi navê Mahsûm Sarp û gardiyan ketine qirika hev. Sarp ji gardiyan re gotiye ew naxwazin di qawîşa wan de girtiyên edlî hebin. Li ser vê gardiyanan êrişî Sarp kirine û nêzî 20 deqîqeyan lêxistine û diranên wî şikandine. Sergardiyanê girtîgehê jî ji Sarp re gotiye, "yan hûn ê li vî (Girtiyê edlî) binêrin yan na di qawîşa edliyan de rastî destdirêjê tê, dewlet çi bixwaze hûn ê wisa bikin."

	&nbsp;

	Li ser vê yekê 6 girtiyan jî îro dest bi gireva birçîbûne kiriye.&nbsp;