
Cenazeyê dayika Mîr Perwer li kêleka wî hat veşartin  

2023-01-18 10:23:14


	&nbsp;

	MÛŞ - Fîlîz Aydin a dayika hunermend Mîr Perwer ê li Parîsê hatibû qetilkirin, li Goristana Ewranê li kêleka lawê wê Mîr hat veşartin.&nbsp;

	&nbsp;

	Li dijî Navenda Çanda Kurd a Ahmet Kaya li paytexta Fransayê Parîsê di 23’yê Kanûna 2022’yan de di êrişa çekdarî ku pêk hat de Endama Konseya Rêvebera &nbsp;KCK’ê Emîne Kara (Evîn Goyî), endamê TEV-ÇAND’ê hunermend Mîr Perwer (Mehmet Şîrîn Aydin) û welatparêzê kurd Abdurrahman Kizil hatibûn qetilkirin.&nbsp;

	&nbsp;

	Dayika hunermend Mîr Perwer, Fîlîz Aydin duh li nexweşxaneya lê dihat tedawîkirin çû ser dilovaniya xwe. Fîlîz Aydin demek bû ji ber enfeksiyonê li Xarpêtê dihat tedawîkirin û duh jiyana xwe ji dest da. Cenazeyê Aydin duh bi şev li Goristana Bajarokê Ewranê ya bi ser Mûşê ve li kêleka gora lawê wê Mîr Perwer hat veşartin.&nbsp;

	&nbsp;