
ESP’ê û SGDF’ê çalakiya xwe ya greva birçîbûnê veguhest Stenbolê 

2023-01-18 15:14:55


	&nbsp;

	STENBOL - Endamên ESP’ê û SGDF’ê yên ji bo tecrîda li ser Rêberê PKK’ê Abdulah Ocalan bê bidawîkirin li Stenbolê di çalakiya greva birçîbûnê de ne, banga têkoşîna yekgirtî kirin.&nbsp;

	&nbsp;

	Partiya Sosyalîst a Bindestan (ESP) û Federasyona Komeleyên Ciwanên Sosyalîst (SGDF) li dijî tecrîda li ser Rêberê PKK’ê Abdullah Ocalan û binpêkirinên mafan ên li girtîgehan diqewimin, çalakiya xwe ya greva birçîbûnê didomînin. Endamên ESP’ê û SGDF’ê yên li Şaxa Komeleya Mafên Mirovan (ÎHD) a Stenbolê hatin gelhev piştî çalakiya greva birçîbûnê ya 3 rojan li ber Girtîgeha Kiriklar a Îzmîrê di 16’ê çileyê de dabû destpêkirin, daxuyandin ku wê çalakiya xwe li Stenbolê bidomînin.&nbsp;

	&nbsp;

	Di civîna çapemeniyê ku li avahiya komeleyê bi dirûşmeya “Em piştevaniyê zêde bikin û tecrîdê bişikînin” hate lidarxistin de ji bilî endamên ESP’ê û SGDF’ê Hevseroka Şaxa ÎHD’a Stenbolê Gulseren Yolerî û parêzerê OHD’î Baran Çelîk amade bûn.&nbsp;

	&nbsp;

	BINPÊKIRINÊN MAFAN ZÊDE BÛN

	&nbsp;

	Seroka ÎHD’a Stenbolê Gulseren Yolerî a ewilî di civînê de axivî, bal kişand ku binpêkirinên mafan ên li dijî girtiyan her ku diçe zêde dibin.&nbsp;

	&nbsp;

	‘ÇERXA ÎŞKENCEYÊ BERDEWAM DIKE’

	&nbsp;

	Piştî Yoleriyê li ser navê Rêxistina ESP’a Stenbolê metnê çapemeniyê yê têkildarî mijarê Zuleyha Muldur a axivî jî diyar kir ku înfaza girtiyên li girtîgehan tên şewitandin û girtî nayên berdan û girtiyên nexweş yek bi yek jiyana xwe ji dest didin.&nbsp;

	&nbsp;

	BINPÊKIRINA HERÎ GIRAN LI ÎMRALIYÊ YE&nbsp;

	&nbsp;

	Muldur, destnîşan kir ku binpêkirina mafan a herî giran li ser Rêberê PKK’ê Abdullah Ocalan ê li Girtîgeha Îmraliyê di bin tecrîdeke giran de tê ragirtin tê sepandin û wiha got: “Têkiliya Rêberê Gelê Kurd Abdullah Ocalan bi cîhanê re bi temamî hatiye qûtkirin. Ji ber ku ji bo pirsgirêka bekayê ya pergala qesrê ya faşîst were çareserkirin, zêdekirina zext, girtîgehan û zorkirina tecrîdê zêdetir çareya wê nîne.”

	&nbsp;

	BANGA PIŞTEVANIYÊ&nbsp;

	&nbsp;

	Muldur, da zanîn ku çalakiya greva birçîbûnê ku weke ESP û SGDF dane destpêkirin di serî de ji bo tecrîda li ser Rêberê PKK’ê Abdullah Ocalan û qedexeya hevdîtinê, ji bo hemû binpêkirinên mafan ên li dijî hemû girtiyan bên bidawîkirin pêk tînin û li hemû partiyên siyasî û rêxistinên girseyî banga piştevaniyê kir.&nbsp;

	&nbsp;

	Muldur axaftina xwe bi van gotinan bi dawî kir: “Em çalakiyên xwe li taxan, li havênên karkeran, kampus, navendên bajaran, li ber ATK’yan belav bikin. Bi meşan, daxuyaniyên çapemeniyê, çalakiyên birçîbûnê, nivîsên li ser dîwaran û bi pankartan dengê girtiyan bilind bikin û piştevaniya bi girtiyan û malbatên wan re zêde bikin.”

	&nbsp;