
Delegasyona Li Dijî Tecrîdê serdana TTB’ê û TÎHV’ê kir   

2023-01-25 15:05:38


	&nbsp;

	ENQERE - Şandeyek Delegasyona Navneteweyî ya Li Dijî Tecrîdê ya ku tê de 36 hiqûqnas, rojnamevan û akademîsyenên ji 7 welatên cuda hene û li dijî tecrîda li ser Rêberê PKK’ê Abdullah Ocalan bi TTB’ê û TÎHV’ê re hevdîtin pêk anî.&nbsp;

	&nbsp;

	Delegasyona Navneteweyî ya Li Dijî Tecrîdê ya ku tê de 36 hiqûqnas, rojnamevan û akademîsyenên ji 7 welatên cuda hene û li dijî tecrîda li ser Rêberê PKK’ê Abdullah Ocalan kom bûne, hat Tirkiyeyê. Delegasyona Navneteweyî ya Li Dijî Tecrîdê wê di 25-27’ê Çileyê de li Stenbol, Enqere û Amedê bi rêxistinên civakî yên sivîl û rêxistinên siyasî re hevdîtinan bike. Şandeyek ji Delegasyonê li Enqereyê ewilî serdana Yekîtiya Tabîbên Tirk (TTB) kir.&nbsp;

	&nbsp;

	Sekreterê Giştî yê TTB’ê Vedat Bûlût, parêzerên endamên Komeleya Hiqûqnasên ji bo Azadiyê (OHD) û Hevberdevkê Komîsyona Hiqûq û Mafên Mirovan a HDP’ê Serhat Eren tev li civînê bûn. Seroka Konseya Navendî ya TTB’ê Şebnem Korûr Fîncanci jî bi online beşdarî civînê bûn.

	&nbsp;

	Di serdan ango civîna li gel TTB’ê de tecrîdkirina Rêberê PKK’ê Abdullah Ocalan, rewşa girtiyên li girtîgehên Tirkiyeyê hat axivîn. TTB’ê derbarê zext û zordariya li ser girtiyan nêrîna xwe bi şandeyê re parve kir.&nbsp;

	&nbsp;

	Piştî civîna TTB’ê şande çû serdana Navenda Giştî ya Weqfa Mafên Mirovan a Tirkiyeyê (TÎHV) û Serokê Giştî yê TÎHV’ê Metîn Bakalci beşdarî civînê bû. Civîn ji çapemeniyê re girtî hat lidarxistin.&nbsp;

	&nbsp;