
Delegasyona Navnetewî ya li Dijî Tecrîdê bi siyasetmedaran re civiya 

2023-01-26 13:33:29


	&nbsp;

	STENBOL - Endamên Delegasyona Navnetewî ya li Dijî Tecrîdê ku li dijî tecrîda li ser Rêberê PKK’ê Abdullah Ocalan hatin gel hev, li Stenbolê bi nûnerên partiyên siyasî re civiyan.&nbsp;

	&nbsp;

	Delegasyona Navneteweyî ya Li Dijî Tecrîdê ku tê de 36 hiqûqnas, rojnamevan û akademîsyenên ji 7 welatên cuda hene û li dijî tecrîda li ser Rêberê PKK’ê Abdullah Ocalan li hev kom bûye, hat Tirkiyeyê. Serdanên Delegasyonên yên li partiyên siyasî û rêxistinên sivîl ên civakî yên li Amed, Stenbol û Enqereyê didomin. Endamên Delegasyonên ên li Stenbolê wê di nava rojê de serdana Partiya Sosyalîst a Bindestan (ESP), Partiya Çep a Kesk, Platforma Piştevaniya Sosyalîst (SODAP), Partiya Kedê (EMEP) û Partiya Şoreşger bike.&nbsp;

	&nbsp;

	MIJARÊN SERDANÊ

	&nbsp;

	Şandeyê ewilî serdana ESP’a ku li Fatîhê ye kir. Şandeya ji 6 kesan pêk dihat û Sekretera Giştî ya Komeleya Hiqûqnasên Ji Bo Azadiyê (OHD) Rengîn Ergul û endamê OHD’ê parêzer Bulent Aşa pê re bûn, ji aliyê Hevseroka Giştî ya ESP’ê Ozlem Gumuştaş û endamên Meclisa partiyê Ezgî Gurbuz û Meral Tatar ve hatin pêşwazî kirin. Di vê hevdîtinê de bi taybetî tecrîda li ser Abdullah Ocalan ê li Girtîgeha Îmraliyê di nava şert û mercên tecrîda giran de tê ragirtin, binpêkirina mafên li girtîgehan, binpêkirina mafên li bajarên Kurdistanê, pêvajoya siyasî ya li Tirkiyeyê û doza girtinê ya li dijî Partiya Demokratîk a Gelan (HDP) hatin nirxandin.&nbsp;

	&nbsp;

	Hate diyarkirin ku şande pişt re wê serdana Partiya Çep a Kesk bike.&nbsp;

	&nbsp;