
Heta 15 salan cezayê hefsê ji hiqûqzan Gumuş re hat xwestin  

2023-01-31 13:57:41


	&nbsp;

	AMED - Di danişîna doza Serokê Baroya Amedê yê berê Fethî Gumuş de heta 15 salan jê re cezayê hefsê hat xwestin.&nbsp;

	&nbsp;

	Serokê Baroya Amedê yê berê Fethî Gumuş bi hêceta tev li xebatên Kongreya Civaka Demokratîk (KCD) bûye bi îdiaya “endamtiya rêxistinê” doz lê hatibû vekirin. Ji vê îdiayê 8 sal û 6 meh ceza lê hatibû birîn. Dadgeha Edliyeyê ya Herêma Amedê ceza ji ber lêkolîna kêm xera kir. Piştî xerakirina ceza darizandina Gumuş berdewam kir. Danişîna 5’emîn a dozê li 9’emîn Dadgeha Cezayê Giran a Amedê hat lidarxistin û Gumuş û parêzerên xwe Sîdar Gumuş, Serokê Baroyê Nahît Eren û Serokê Baroya Amedê yê berê Ahmet Ozmen di danişînê de amade bûn.&nbsp;

	&nbsp;

	Dozger mutalaya xwe pêşkêşî dadgehê kir û îdia kir ku Gumuş sûc kiriye û xwest ji îdiaya “endamtiya rêxistinê” ji 7 salan heta 15 salan cezayê hefsê li Gumuş bê birîn.&nbsp;

	&nbsp;

	Gumuş diyar kir ku ew mutalaya dozger qebûl nake û dema zêde bo parastinê xwest. Parêzerên wî jî dema zêde xwestin ku li dijî mutalayê parastina xwe bikin.&nbsp;

	&nbsp;

	Dadgehê biryara şertê kontrola edlî ya ku derketina Gumuş a derveyî welat qedexe kiriye bidome da û daxwaza demê ya parêzeran qebûl kir û danişînê taloqî 29’ê adarê kir.&nbsp;

	&nbsp;

	&nbsp;