
Erdogan ku çû cihê erdhejê: Em ê 10 hezar TL belav bikin

2023-02-08 15:30:12


	&nbsp;

	ENQERE- Serokkomar Erdogan ku piştî îlankirina Rewşa Awarte çû herêma erdhejê, gel guh lê nekir. Erdogan got ku dê 10 hezar TL'yî bidin mexdûrên erdhejê.&nbsp;

	&nbsp;

	Serokkomarê AKP'î Erdogan piştî 57 saetan çû navenda erdhejê Bazarcixa Mereşê. Gel diyar kir ku xebatên lêgerîn û rizgarkirinê kêm in û bertek nîşan dan. Erdogan ku gel guh lê nekir, ji rojnamevanên li Bazarcixê re got: "Ez bi taybetî ji we dixwazim ku ji xeynî daxuyaniyên navenda AFAD'ê keysê nedin provakatoran. Ez dixwazim ku hevalên min ên çapemeniyê keysê nedin van provakasyonan."&nbsp;

	&nbsp;

	Erdogan daxuyand ku 8 hezar û 574 kesî jiyana xwe ji dest daye û 49 hezar û 133 kes birîndar bûne. Erdogan anî ziman ku di roja duduyan a erdhejê de serdestî bi dest ketiye û ji bo gel doza sebr û deyaxê kir. Erdogan got: "Li vir, sebr û deyaxa ku welatiyê min, gelê min ji bo van karesatan nîşan daye çawa be, ez bawer dikim ku dê ji bo vê karesatê jî heman sebr û deyaxê nîşan bide."&nbsp;

	&nbsp;

	Her wiha Erdogan anî ziman ku bi hezaran mirov di bin kavilan de li benda rizgarkirinê ne û dê ji budçeya ku ji aliyê Wezareta Xezîne û Maliyeyê hatiye veqetandin, 10 hezar TL li mexdûrên erdhejê bê belavkirin.&nbsp;