
OHD: Divê têkildarî îdiayên li girtîgehan lêprisîn bê destpêkirin 

2023-02-09 17:06:21


	&nbsp;

	AMED - Komîsyona Girtîgehan a Navenda Giştî ya OHD'ê, têkildarî îdiayên der barê Girtîgeha Meletiyê ya Tîpa E'yê, Girtîgeha Turkoglû ya Mereşê û Girtîgeha Hatayê ya Tîpa T'yê de ku piştî erdhejê rû dan, xwest lêpirsîn bê destpêkirin.&nbsp;

	&nbsp;

	Komîsyona Girtîgehan a Navenda Giştî ya Komeleya Hiqûqnasên Ji Bo Azadiyê (OHD), têkildarî îdiayên der barê Girtîgeha Meletiyê ya Tîpa E'yê, Girtîgeha Turkoglû ya Mereşê û Girtîgeha Hatayê ya Tîpa T'yê de ku piştî erdhejên li Bazarcixa Mereşê rû dan, daxuyaniyeke nivîskî belav kir û xwest der barê van îdiayan de lêpirsîn bê destpêkirin. &nbsp;&nbsp;

	&nbsp;

	OHD'ê di daxuyaniya xwe de ragihandiye ku piştî malbatên girtiyan serî li wan dane serdana Girtîgeha Turkjoglû û Girtîgeha Hatayê ya Tîpa T'yê kirine û hatiye gotin ku Girtîgeha Turkoglû ya Mereşê diyar kiriye ku li girtîgehê rayedar tune ne û ji ber ku qismek girtîgehê wekî navendeke hêwirandinê tê bikaranîn hevdîtina bi girtiyan ne pêkan e û dê hemû girtî sewqî girtîgehine din bên kirin. Di daxuyaniyê de hatiye gotin ku girtîgehê têkildarî girtiyên jiyana xwe ji dest dane û birîndar bûne tu tişpt ji wan re negotiye. Di daxuyaniyê de hatiye ragihandin ku endamên komeleyê yên serdana girtîgehan kirine dîtine ku li ber girtîgehan gelek ambulans û otobus hebûne û dûman ji girtîgehê bilind bûne. Di berdewamiya daxuyaniyê de ev tişt hat gotin: "Endamên me hewl dane serdana Girtîgeha Meletiyê ya Tîpa T'yê bikin, lê belê girtîgehê ji wan re gotiye girtî hatiune sewqkirin û girtîgeh hatiye valakirin. Ji ber vê serdana girtîgehê nehatiye kirin."&nbsp;

	&nbsp;

	Di daxuyaniyê de li ser dîmenên ku li ser medyaya sanal hatibûn belavkirin jî hatiye sekinandin û hatiye gotin ku ji bo rewşên wiha divê tevdîrên hewce bên girtin.&nbsp;

	&nbsp;

	Di dawiya lêpirsînê de jî hatiye destnîşankirin ku di dîmenên hatine belavkirin de tê dîtin ku îdareyên girtîgehan li dijî berprisiyariyên diyarkirî tevgeriyane û her çend hatibû îdiakirin ku ev di çarçoveya mewzûatê de hatine kirin jî, di mewzûatên netewyeî û navneteweyî de tiştekî bi vî rengî tune ye. Di daxuyaniyê de hatiye xwestin ku der barê personelan de yên li dijî hukmên mewzûatên neteweyî û navneteweyî tevgeriyane lêprisîna edlî û îdarî bê destpêkirin.&nbsp;