
Nûçegihanê me Guleş û dilxwazê erdhejê hatin berdan 

2023-02-09 21:53:05


	&nbsp;

	&nbsp;

	&nbsp;

	AMED - Nûçegihanê me Mehmet Guleş ku bi tevî dilxwazê erdhejê ve li Amedê bi îdiaya “belavkirina agahiyên şaş” hatibûn binçavkirin, bi şertê kontrola edlî hat berdan.&nbsp;

	&nbsp;

	Nûçegihanê Ajansa Mezopotamya (MA) Mehmet Guleş li ber avilê avahiya Işik a li Rezana Amedê kêliya ku bi dilxwazê erdhejê Mehmet Nûrî Guzel re hevpeyvîn dikir, Guleş û Guzel ji aliyê polîsan ve duh hatibûn binçavkirin. Li Midûriyeta Polîsan a Amedê îfadeyên Guleş û Guzel bi îdiaya “Gel texrîkî kîndarî û dijminatiyê dikin” hatin tawanbarkirin. Piştî îfadeya li emniyetê Guleş û Guzel îro birin Dadgeha Amedê û dozger bi îdiaya navborî îfadeyê wan girt.&nbsp;

	&nbsp;

	Dozgeriyê bi heman tawanbariyê ango îdiayê bi şertê kontrola edlî sewqî Dadgeha Cezayê Sulhê ya Nobedar a Amedê kir. Dadgehê û dozger îdia kirin ku Guleş û Guzel “agahiyên şaş li nav xelkê belav dikin.” Dadgehê bi şertê kontrola edlî ku her roj Guleş û Guzel biçin qereqolê îmze bidin û qedexeya derketina derveyî welat hatin berdan.&nbsp;

	&nbsp;

	&nbsp;