
6 kesên ku di erdhejê de jiyana xwe ji dest dan li Şirnexê hatin veşartin

2023-02-10 19:48:37


	&nbsp;

	ŞIRNEX - Cenazeyên 6 kesên ku li herêmên cuda yên erdhejê de jiyana xwe ji dest dan li bajarên wan hatin veşartin.&nbsp;

	&nbsp;

	Navenda wê Mereş bi pileya 7.6 û 7.7 &nbsp;li ser hev du erdhej çêbûn. Erdhej bandor li gelek deveran kir û di encama erdhejê de bi hezaran kesan jiyana xwe ji dest dan û her ku diçe ev hejmar zêde dibe. Cenazeyên welatiyên ji Şirnexê û navçeyên wê ku di erdheja Meletî, navçeya Îskenderûn û Antakyayê yên Hatayê û Mereşê de jiyana xwe ji dest dan anîn cihê ku jê dayik bûn veşartin.

	&nbsp;

	Li navçeya Îskenderûn ya Hatayê bav Serhat Temîzer û kurê wî Emîr Temîzer ku di erdhêjê de bin kavilan de man û jiyana xwe ji dest dan li Goristana Asrî ya Navçeya Cizîr ya Şirnexê hatin veşartin.&nbsp;

	&nbsp;

	Li Mereşê jî Yûsûf Bîlîk û Îbrahîm Bîlîk ku xwendekarên zanîngehê bûn di bin kavilan de man û jiyana xwe ji dest dan. Cenazeyê wan îro li goristana gundê Kizilsû yê girêdayî Şirnexê li cem hev hatin veşartin.

	&nbsp;

	Li Meletiyê avahîsaz Nazan Tûşak ku di bin kavilan de ma jiyana xwe ji dest da li navçeya Silopiyayê hate veşartin.&nbsp;

	&nbsp;

	Cenazeyê Meryem Deger a ku li Antakyayê di bin kavilan de mayî û jiyana xwe ji dest dayî li Goristana Asrî ya Cizîrê hatin veşartin.&nbsp;

	&nbsp;

	&nbsp;

	&nbsp;