
Li Semsûrê hejmara kesên jiyana xwe ji dest dan 11 hezaran derbas kir  

2023-02-14 20:42:55


	&nbsp;

	SEMSÛR - Li gor daneyên nefermî li Semsûrê hejmara kesên ku di erdhejê de jiyana xwe ji dest dane, 11 hezaran derbas kiriye.&nbsp;

	&nbsp;

	Li Semsûrê û li navçe û gundên wê nêzî 2 hezar avahî hilweşiyane. Li gorî daneyên ewil zêdetirî 8 hezar avahî jî wekî avahiyên zêde xesar dîtine hatine tespîtkirin.&nbsp;

	&nbsp;

	Li bajêr xebatên lêgerînê didomin. Di roja 9'an a erdhejê de bi dehan cenaze ji bin kavilan hatin derxistin. Cenazeyên ji bon kavilan hatin derxistin, ji bo tespîtkirina nasnameya wan ewilî sewqî Nexweşxaneya Perwerdehî û Lêkolînê ya Semsûrê hatin krin û paşê jî li 3 goristanên cuda hatin veşartin.&nbsp;

	&nbsp;

	HEJMARA KESÊN JIYANA XWE JI DEST DANE 11 HEZARAN DERBAS KIR

	&nbsp;

	Heya niha zêdetirî 7 hezar û 500 cenaze li Goristana Yeniyê hatine definkirin û zêdetirî hezar cenaze jî li Goristana Karapinarê hatine definkirin. Li goristana berê ya bajêr jî zêdetirî hezar cenaze hatine veşartin û bi sedan cenaze jî li gundan hatin definkirin. Hat hînkirin ku bi dehan cenaze jî ber bi bajarine din ve hatine şandin. Li gor agahiyên ku ji peywirdarên nexweşxane û goristanan hatine girtin, hejmara kesên jiyana xwe ji dest dane 11 hezaran derbas kiriye.&nbsp;

	&nbsp;

	Gelek cenaze di gorinên bi qasî 100-150 metreyî dirêj û 2 metre fireh tên kolandin de bi awayekî komî tên definkirin.

	&nbsp;

	MA / Omer Akin - Ahmet Kanbal&nbsp;