
Mojust cihêkariya li herêmên erdhejê veguhezand Neteweyên Yekbûyî   

2023-02-15 14:37:05


	&nbsp;

	CENEVRE - Weqfa Çavdêriya Edaletê ya Navnetewî ya Mezopotamyayê (Mojust) ku navenda wê li Cenevreyê ye cihêkarî û êrişên li dijî penaberan û welatiyên sivîl ji aliyê polîs û leşkeran ve li herêmên erdhejê hatin kirin, veguhezand Neteweyên Yekbûyî.&nbsp;

	&nbsp;

	Weqfa Çavdêriya Edaletê ya Navnetewî ya Mezopotamyayê (International Fondation Mezopotamia Observatory of Justice-Mojust) ku navenda wê li Cenevreyê ye têkildarî erdhejên ku li Kurdistan, Tirkiyeyê û Sûriyeyê çêbûn û heta niha li gorî daneyên hatine parvekirin kut ê gotin 40 hezar mirov jiyana xwe ji dest daye, serî li Konseya Mafên Mirovan a Neteweyên Yekbûyî (NY) da. Mojust diyar kir ku alîkarî û pişteavniyek navneteweyî di astek zêde hatiye kirin û hikûmetê xebatên alîkarî û rizgarkirinê koordîne nekiriye. Her wiha di serlêdanê de hat destnîşankirin ku bi awayên cuda gihandina alîkariyê ya netewî û navneteweyî hatiye astengkirin.&nbsp;

	&nbsp;

	ASTENGKIRINA ALÎKARIYÊ&nbsp;

	&nbsp;

	Mojust di serlêdana xwe de bal kişand ser astengkirina alîkarî û piştevaniyê ya herêmên erdhejê û bi taybetî alîkariya hatiye xwestin bo herêmên Bakur û Rojhilatê Sûriyeyê û di warê cihêkariya rizgarkirinê û alîkariyê de jî gelek rapor gihîştine ber destên wan û îşaretî daxuyaniyên hikûmetê ku têkildarî mijarê dane kir.&nbsp;

	&nbsp;

	BALÊ KIŞAND SER CIHÊKARIYÊ&nbsp;

	&nbsp;

	Mojust her wiha di serlêdana xwe de balê kişand ser cihêkariya li herêmên bi piraniya wê kurdên elewî lê dijîn û bûne mexdûrên erdhejê û welatî ji ber nasnameya xwe netewî û baweriyê bi cihêkariyê re rûbirû mane. Weqfê ango Mojustê di serlêdana xwe de balê kişand ser êrişên ku polîs û leşkeran li herêmên erdhejê li welatî û penaberan kiriye û gelek mirov bi îşkenceyê re rûbirû mane. Mojust di serlêdanê de behsa biryara Rewşa Awarte (OHAL) ku ji bo herêmên erdhejê hatiye ragihandin kir û ji ber vê biryara OHAL’ê alîkariya gelek kesan û saziyan jî hatiye desteserkirin. Mojust da zanîn ku hikûmeta Tirkiyeyê Twittera ku cihên gelek mirovên di bin xirbeyan de radigihand jî asteng kiriye.&nbsp;

	&nbsp;

	REWŞA GIRTÎGEHAN&nbsp;

	&nbsp;

	Mojust balê kişand ser rewşa girtîgehan û di asta ku tê xwestin de girtî û malbatên wan ên li herêmên erdhejê dimînin pêwendiyek birêkûpêk danenîne.&nbsp;

	&nbsp;

	‘PEYMAN TUNE HATINE HESIBANDIN’&nbsp;

	&nbsp;

	Mojust di serlêdanê de destnîşan kir ku Tirkiyeyê peymanên navneteweyî tune hesibandiye û di rewşek ku drama mirovî qewimî ye de alîkarî hatine astengkirin, cihêkarî hatiye kirin, li dijî sivîlan îşkenceyê pêk hatine û sûcê li dijî mirovahiyê hatiye kirin. Mojust di derbarê van mijaran de xwest ku yekîneyên eleqedar ên Neteweyên Yekbûyî (NY) demildest bikevin tevgerê û divê ji bo alîkariya navneteweyî bigihîje mexdûran mekanîzmeyek şopandinê ava bike.&nbsp;

	&nbsp;

	BANGA PIŞTEVANIYÊ&nbsp;

	&nbsp;

	Weqfê di daxuyaniya ku li ser malpera xwe weşandiye de destnîşan kir ku hê jî bi milyonan mirov li benda alîkariyê ye û bang li her kesî kir ku piştevaniya mexdûrên erdhejê bikin.&nbsp;

	&nbsp;

	MA / Ruştu Demîrkaya&nbsp;

	&nbsp;