
Abdullah Ocalan di rojeva cîhanê de ye: Hûn nikarin roja me tarî bikin  

2023-02-15 23:16:09


	&nbsp;

	NAVENDA NÛÇEYAN - Di çalakiya li ser medyaya sanal de ya bi pêşengiya Komîteya Azadî Ji Bo Ocalan tê lidarxistin ku li seranserê cîhenê gelek kes beşdarî wê bûn, wiha hat gotin: "Hûn nikarin roja me tarî bikin."&nbsp;

	&nbsp;

	Bi pêşengiya Komîteya Azadî Ji Bo Ocalan, di salvegera komploya navdewletî ya li hemberî Rêberê PKK'ê Abdullah Ocalan de li ser medyaya sanal çalakiya hastagê hat lidarxistin. Çalakî ku bi hastagên "#ÊdîBeseJiTecrîdêRe” û “#FreeOcalanNow” hat destpêkirin, ket rojeva cîhanê.&nbsp;

	&nbsp;

	Komîte ku ji bo beşdariya li hastagê bang kir, daxuyand ku çend sal in di torên medyaya sanal ên aîdî şîrketa Metalê û torên vîdeoyan ên wekî YouTubeyê de navê Abdullah Ocalan, dîmen û wîneyên wî hatine qedexekirin. Komîteyê destnîşan kir ku ji ber vê biryar girtiye ku li seranserê cîhanê çalakî bên lidarxistin.&nbsp;

	&nbsp;

	Gelek bikarhênerên YouTube û torên medyaya sanal ên aîdî şîrketa Metalê, ji bo protestokirina vê qedexeya navbirî bi etîketa “#FreeOcalanNow” wêne û dîmenên Abdullah Ocalan belav kirin.&nbsp;

	&nbsp;

	Di parvekirinên bi gelek zimanan de hat destnîşankirin Abdullah Ocalan 24 sal in tê tecrîdkirin û wiha hat gotin: "Hûn nikarin roja me tarî bikin."&nbsp;