
Li Îzmîrê dê 8 dibistanên xetere bên tehliyekirin 

2023-02-20 11:05:32


	&nbsp;

	ÎZMÎR - Waliyê Îzmîrê Yavûz Selîm Koşger da zanîn ku dê 8 dibistanên xetereya hilweşînê li ser heye bên tehliyekirin.&nbsp;

	&nbsp;

	Piştî erdheja Mereşê ku bandoreke giran li ser 10 bajaran kir, li bajarên xetereya erdhejê li ser heye dibistanên birîsk tên tehliyekirin. Di vê çarçoveyê de li Îzmîrê 8 dibistan dê bên tehliyekirin.&nbsp;

	&nbsp;

	Waliyê Îzmîrê Yavûz Selîm Koşger li ser hesaba xwe ya medyaya civakî ragihand ku beriya erdheja di 2020’an a Îzmîrê de li 83 dibistanan xebatên nûkirinê hatibûn destpêkirin û piştî erdhejê di 30 dibistanan de tespîta xesarê hatibû kirin û hatibûn tehliyekirin. Koşger, diyar kir ku zanîngehan li 15 dibistanên din jî lêkolîn kirin û biryara hilweşandinê hatibû dayîn. Koşker da zanîn ku di encama lêkolînên Zanîngeha Pamukkalayê de derketiye holê ku rîska hilweşînê li ser 8 dibistanan heye û wan jî li ser vê yekê biryar dan ku van dibistanan tehliye bikin.&nbsp;

	&nbsp;