
Girtiyê nexweş ê 82 salî di 2 salan de li 4 girtîgehan gerandine  

2023-02-25 15:26:27


	&nbsp;

	ENQERE - Înîsiyatîfa ji Girtiyên Nexweş re Azadî diyar kir ku girityê nexweş Huseyîn Ortaç ê 82 salî di 2 salan de şandine 4 girtîgehan û xwest demildest bê berdan.&nbsp;

	&nbsp;

	Înîsiyatîfa ji Girtiyên Nexweş re Azadî bi armanca balê bikişînin ser rewşa girtiyên nexweş di hefteya 438’emîn de li ber avahiya Komeleya Mafên Mirovan (ÎHD) a Şaxa Enqereyê çalakî li dar xist. Di çalakiyê de pankarta “Mafê tedawiya maf e, nayê astengkirin, bila girtiyên nexweş bên berdan” hat vekirin. Hevseroka ÎHD’a Enqereyê Sevîl Tûrgût daxuyanî da û bal kişand ser rewşa Huseyîn Ortaç (82) ê li Girtîgeha Erziromê ya Tîpa H’yê tê ragirtin.&nbsp;

	&nbsp;

	ERDHEJÊ BANDOR LI SER GIRTIYAN KIRIYE&nbsp;

	&nbsp;

	Tûrgût bi bîr xist ku erdheja navenda wê Mereş bû çêbû bandorê li ser girtîgehên herêmên erdhejê jî kiriye û malbatên girtiyan û girtî ketine nava fikaran.&nbsp;

	&nbsp;

	Turgut da zanîn ku girtiyên li herêmên erdhejê sewqî girtîgehên bajarên wek ntalya, Samsun, Kirşehîr, Ereglî (Konya), Kirikkale, Tokat, Yozgat, Erzîngan û Bodrûmê hatine kirin û girtiyê nexweş di bin bandora erdhejê û vê sewqê de mane.&nbsp;

	&nbsp;

	LI 4 GIRTÎGEHAN GERANDINE&nbsp;

	&nbsp;

	Turgut anî ziman ku girtiyê nexweş Huseyîn Ortaç li Girtîgeha Erziromê ya Tîpa H’yê tê ragirtin û wiha got: “Huseyîn Ortaç ji Mêrdînê ye. Di sala 2021’an de hatiye girtin û wî şandine Girtîgeha Mêrdînê. Piştre jî wî şandine Girtîgeha Kalkandereya Rîzeyê û paşê jî wî şandine Girtîgeha Dumlu ya Erziromê ya Ewlehiya Bilind û ji vir jî wî şandine Girtîgeha Erziromê ya Tîpa H’yê. Girtiyê nexweş ku extiyar e di nava 2 salan de wî li 4 girtîgehan gerandine. Malbata wî li Edeneyê dimîne û ji malbata xwe dûr di hefsê de ye û ev yek jî binpêkirinek cuda ya mafan e.”&nbsp;

	&nbsp;

	NIKARE PÊDIVIYÊN XWE DABÎN BIKE&nbsp;

	&nbsp;

	Turgut destnîşan kir ku Ortaç nikare pêdiviyên xwe rojane dabîn bike û her ku diçe rewşa tenduristiya wî giran dibe û divê demildest bê berdan.&nbsp;

	&nbsp;

	&nbsp;