
Faîlên Ozturk a beriya 31 salan bi îşkenceyê hate qetilkirin pirsîn 

2023-03-11 15:22:12


	&nbsp;

	STENBOL - Dayikên Şemiyê xwestin faîlên Ayten Ozturk a 31 sal berê ewilî hat revandin û piştre bi îşkenceyê hat qetilkirin bên dîtin û darizandin. &nbsp;

	&nbsp;

	Dayikên Şemiyê ji bo aqubetên windayan bipirsin û faîl bên darizandin li ser înternetê çalakiya xwe ya heftane ya 937’emîn li dar xistin. Di çalakiya vê hefteyê de aqubeta Ayten Ozturk a ku di 27’ê tîrmeha 1992’an de bi wesayîta ku 4 kes têde bûn û ji aliyê walîtiyê ve hatibû girtin hate revandin û piştî 13 rojan li qadeke vala ya li herêma Kartaltepe Karşiyaka ya Xarpêtê bi awayekî definkirî hate dîtin hate pirsîn. Nivîsa bi serenavê “Em ê Ayten Ozturk û kesên ku di sûcê windakirina bi darê zorê de şirîk in ji bîr nekin” a têkildarî aqûbeta Ozturk, xwişka nûçegîhanê Rojnameya Ozgur Gundemê Ferhat Tepe yê di sala 1993’an de hat qetilkirin Ayşe Tepe xwend.&nbsp;

	&nbsp;

	BAL KIŞAND SER ÊRIŞÊN NIJADPEREST

	&nbsp;

	Tepe, di axaftina xwe de bal kişand ser maça Amedspor û Bûrsaporê ya çend roj berê di bin êrişên nijadperest de hate lîstin. Tepe maça ku alîgirên Bursasporê wêneyên endamê JÎTEM’ê Mahmût Yildirim ê bi nasnavê “Yeşîl” ku bûbû sedema qetilkirina bi hezaran kurdan û wêneyên “Torosên Spî” ku JÎTEM’ê mirov pê direvandin û qetil dikir, vekirin, weke êrişeke birêxistinî nirxand.&nbsp;

	&nbsp;

	‘XWEDÎ LI FERASETA TARÎ DERKETIN’

	&nbsp;

	Tepe, bi lêv kir ku bi êrişên organîzekirî xwedî li hişmendiya tarî ya salên 90’î hate derketin û got: “Ev yek peyama ‘Me ev sûc kirin, em li vir in, em ê dîsa bikin’ e. Ji bersûcên li dijî sûcê mirovahiyê tên darizandin li wan tê gerîn re peyama ‘hûn tên parastin’ e.”

	&nbsp;

	Tepe pişt re çîroka pêvajoya revandin û qetilkirina Ozturk vegot.&nbsp;

	&nbsp;