
Doza Kobanê hate taloqkirin  

2023-03-15 15:49:31


	ENQERE - Danişîna Doza Kobanê ku siyasetmedar û parêzer tev li nebûn, taloqî 12’ê nîsanê hate kirin. Her wiha ji bo 4 kesên biryara girtina wan hatibû dayîn jî biryara bultena sor hate dayîn.&nbsp;

	&nbsp;

	Danişîna 23’yemîn a Doza Kobanê ya rûniştina 1’emîn li eywana danişînê ya li Kampûsa Girtîgeha Sîncanê hat lidarxistin. 17 jê girtî 108 siyasetmedar ji dozê tên darizandin. Bi piraniya van siyasetmedaran endamên Desteya Rêveberiya Navendî (MYK) ya HDP’ê yên berê ne. Her wiha Hevserokên Giştî yên HDP’ê yên berê Selahattîn Demîrtaş û Fîgen Yuksekdag jî di nava 17 siyasetmedarên girtî tên darizandin de cih digirin.

	&nbsp;

	Siyasetmedarên tên darizandin û parêzer ji ber erdhejê tev li danişînê nebûn. Şandeya dadgehê biryara navberê da û danişîna dozê taloq kir.&nbsp;

	&nbsp;

	Şandeya dadgehê biryar da ku rewşa girtî ya siyasetmedaran bidome û ji bo Şenay Oruç, Fîlîs Aslan, Abdulselam Demîrkiran û Ferhat Aksu ku biryara girtina wan hebû jî biryara bultena sor da. Danişîn, taloqî 12-13-14’ê nîsanê hate kirin.&nbsp;

	&nbsp;