
Li Serhedê amadekariyên Newrozê temam bûn  

2023-03-18 11:54:18


	&nbsp;

	WAN - Li bajarên Serhedê ku dê 3 rojan Newroz lê bê pîrozkirin, amadekarî bi dawî bûn. Komîteyên Amadekar ên Newrozê banga beşdariya Newrozê kirin.&nbsp;

	&nbsp;

	Newroza îsal bi dirûşmeya “Her der Newroz, her dem azadî" tê pîrozkirin û agirê Newrozê yê ewil li navçeya Şemzînana Colemêrgî di 15’ê adarê de hatibû hilkirin. Di navbera 19, 20 û 21’ê Adarê de wê li 39 navendên bakûrê Kurdistanê û bajarên Tirkiyeyê agirê Newrozê bê hilkirin û pîrozkirin. Agirê Newrozê dê li 14 navendên herêma Serhedê bê pêxistin. Endamên Komîteyên Amadakar ên Newrozê banga beşdariya Newrozê li xelkê kirin.&nbsp;

	&nbsp;

	19’Ê ADARÊ

	&nbsp;

	WAN

	&nbsp;

	Pîrozbahiya Newrozê ya Wanê dê li Parka Newrozê ya li kêleka Keleha Wanê saet di 10.00’an de dest pê bike.&nbsp;

	&nbsp;

	Hevseroka Giştî ya DBP’ê Salîha Aydenîz, Serokê Giştî yê Partiya Komunist a Kurdistanê (KKP) Sînan Çîftyurek, parlamenterên HDP’ê Sarûhan Olûç û Sezaî Temellî beşdarî Newroza Wanê bibin. Bajar, Koma Sorjiyan û Aryen Kom jî dê li ser dika Newrozê bin.&nbsp;

	&nbsp;

	ÎDIR

	&nbsp;

	Pîrozbahiya Newroza Îdirê dê saet di 09.00’an de li Qada Pancar dest pê bike. Endamê Komîteya Amadekar a Newroza Îdirê Tarzan Guner banga beşdariya Newrozê li xelkê bajê kir. Parlamenterê HDP’ê yê Îdirê Habîp Eksîk û hunermendên herêmî dê beşdarî pîrozbahiyê bibin.&nbsp;

	&nbsp;

	GEVER

	&nbsp;

	Pîrozbahiya Newroza li Geverê jî dê li Stada Yenîşehîrê bê kirin û Serokwekîla Koma HDP’ê Meral Daniş Beştaş û parlamentere Colemêrgê Saît Dede tev li pîrozbahiyê bibin.&nbsp;

	&nbsp;

	MÛŞ

	&nbsp;

	Newroza Mûşê di 19’ê adarê de saet li 10.00'an li Cadeya Îstasyonê bê lidarxistin. Parlamnetera HDP’ê ya Mûşê Gulistan Kiliç Koçyîgît û Parlamenterê HDP’ê yê Rihayê Omer Ocalan wek axivêr beşdarî pîrozbahiyê bibin. Endama Komîteya Amadekar a Newrozê Çîçek Tûtûş banga beşdariya pîrozbahiyê kir.&nbsp;

	&nbsp;

	TETWAN

	&nbsp;

	Li navçeya Tetwana Bedlîsê jî dê pîrozbahiya Newrozê saet di 10.00'an de li Qada Fuarê bê kirin û dê parlamenterên HDP’ê Şevîn Çoşkûn û Celaded Gaydali beşdar bibin.&nbsp;

	&nbsp;

	20’Ê ADARÊ&nbsp;

	&nbsp;

	QERS

	&nbsp;

	Pîrozbahiya Newroza Qersê jî saet di 10.00’an de dê li Qada Qersê dest pê bike. Hevserokê HDP’a Qersê Cengîz Anli banga beşdariya Newrozê kir û xwest her kes bi ruhê berxwedanê û vejînê tev li Newrozê bibe.&nbsp;

	&nbsp;

	AGIRÎ

	&nbsp;

	Li navenda Agiriyê jî dê pîrozbahiya Newrozê saet di 10.00’an de li qada Newrozê bê kirin. Parlamenterê HDP’ê Sezaî Temellî di pîrozbahiyê de biaxive û Dengê Meyman jî dê li ser dikê bistrê.&nbsp;

	&nbsp;

	ERDEXAN

	&nbsp;

	Newroza li Erdexanê jî dê li Qada Bajêr saet di 10.00’an de dest pê bike. Parlamentera HDP’ê Zulehya Gulum wê tev li pîrozbahiyê bibe.&nbsp;

	&nbsp;

	COLEMÊRG

	&nbsp;

	Li navenda Colemêrgê jî wê li otogarê pîrozbahiya Newrozê bê kirin. Parlamenterên HDP’ê Meral Daniş Beştaş û Saît Dede beşdarî pîrozbahiyê bibin.&nbsp;

	&nbsp;

	ERZIROM

	&nbsp;

	Li navçeya Qereyaziyê ya Erziromê jî dê li Cadeya Cumhuriyetê pîrozbahî bê kirin û Parlamenterê HDP’ê Omer Ocalan beşdarî pîrozbahiyê bibe.&nbsp;

	&nbsp;

	MILAZGIR

	&nbsp;

	Li navçeya Milazgirê ya Mûşê jî wê pîrozbahiya Newrozê li Sûka Qesaban ya kevn bê kirin. Parlamenterên HDP’ê Şevîn Coşkûn û Îmam Taşçier dê beşdarî pîrozbahiyê bibin.&nbsp;

	&nbsp;

	21’Ê ADARÊ&nbsp;

	&nbsp;

	PANOS

	&nbsp;

	Li navçeya Panosêy a Agiriyê dê Neworz saet di 10.00’an de li baxçeyê Navenda Çandê ya Şaredariyê bê pîrozkirin. Parlamenterên HDP’ê Abdullah Koç û Muazzez Orhan dê beşdarî bernameyê bibin.&nbsp;

	&nbsp;

	GOLE

	&nbsp;

	Li navçeya Gole ya Erdexanê jî dê Newroz li Cadeya Kongreyê were pîrozkirin. Parlamenterê HDP’ê yê Wanê Mûrat Sarisaç beşdarî pîrozbahiyê bibe.&nbsp;

	&nbsp;

	BAZÎD

	&nbsp;

	Li navçeya Bazîdê ya Agiriyê jî dê li Qada Newrozê pîrozbahî bê kirin. Cîgirê Hevserokên Giştî yên HDP’ê Tayîp Temel û siyasetmedar Dîba Keskîn wek axivêr beşdarî pîrozbahiyê bibin.&nbsp;

	&nbsp;