
Li bajar û navçeyan bangên ji bo Newrozê 

2023-03-18 20:11:13


	&nbsp;

	NAVENDA NÛÇEYAN – Li bajarî navçe û gundan ji bo Newrozê belavok hatin belavkirin.&nbsp;

	&nbsp;

	Li Êlih û Antalyayê sibê û li Amedê jî dê di 21'ê Adarê de Newroz bê pîrozkirin. Ji bo Newrozê li navçe û gundan belavok hatin belavkirin.&nbsp;

	&nbsp;

	ÊLIH

	&nbsp;

	Li Êlihê bi dirûşmeya “Her der Newroz, her dem azadî” dê sibê li Qada Newroz ya li Taxa Pazaryeriyê Newroz bê pîrozkirin. Berhdevka Mecllisa Jinan a HDP'ê, parlementerê HDP'ê Mehmet Ruştu Tiryakî û siyasetmedar AHmet Turk dê di pîrozbahiyê de biaxivinç Hunermend Nûray Balik û Awazên Azad dê derkevin ser dikê.&nbsp;

	&nbsp;

	Ji bo vê Berdevka Meclisa Jinan a HDP'ê Ayşe Acar Başaran, parlementerên HDP'ê Feleknas Ûca, Mehmet Ruştu Tiryakî, endamên TJA û Meclisa Dayikên Aştiyê jî di nav de şandeyeke qelebalix li bajaroka Girêsîra bi welatiyan re hevdîtin kirin. Şandeyê li vir belavokên ji bo Newrozê belav kirin.&nbsp;

	&nbsp;

	Paşê şande li Kolna Diyarbekir belavok li esnaf û welatiyan belav kirin û ew vexwandin Newrozê.&nbsp;

	&nbsp;

	ANTALYA

	&nbsp;

	Parlementerê HDP'ê yê Antalyayê Kemal Bulbul, endama MYK'ê ya HDP'ê Sûltan Ozcan û rêxistina HDP'ê ya Antalyayê jî ji bo pîrozbahiya sibê ku dê li Antalyayê bê lidarxistin gel û esnafan vexwandin Newrozê. Li antalyayê Newroz dê sibê bi dirûşmeya “Her der Newroz hem dem azadî” saet di 11.00'an de li Hêwana Sporê ya Tûrgût Ozalê ya Kepezê bê pîrozkirin.&nbsp;