
Ji bo rojnamegerên girtî Xelata Rojnamegeriyê ya Metîn Goktepe 

2023-03-22 12:25:16


	STENBOL - Encama pêşbirka 26’emîn Xelatên Rojnamegeriyê yên Metîn Goktepe diyar bû. Nûçegihanên MA û JINNEWS’ê yên girtî hêjayî Xelata Taybet a Juriyê hatin dîtin.&nbsp;

	&nbsp;

	Di pêşbirka Xelatên Rojnamegeriyê ya Metîn Goktepe de rojnamegerên xelat wergirtin diyar bûn.&nbsp;

	&nbsp;

	Di Beşa Xelata Nûçeyên Nivîskî de nûçegihanê BîrGunê Tîmûr Soykan bi nûçeya xwe ya “Dinyaya tarî zaroka daqurtand”, &nbsp;di Beşa Nûçeyên Bidîmen de nûçegihanê Arti TV’yê Mehmet Zekî Kaya bi nûçeya “Ji Ferhat Encu re şimaq, ji rojnamegeran re astengkirin”, di Beşa Nûçeyên Bidîmen de nûçegihan Tunca Ogreten û kameravan Mûrat Baykara û Omer Çakan hêjayî Xelata Taybet a Juriyê, di Beşa Wêneyan de ji BîrGunê Ugur Şahîn bi wêneyê “Em jî mirin lê nehatin veşartin” û di Beşa Xelatên Rojnamegeriya Herêmî de ji Rojnameya Dêrsimê Mûrat Gureş bi nûçeya “Kesên dengê her kesî dibihîsin hene, lê yê wan tune ne: Evdal di erdhejê de jî rastî cihêkariyê tên” hêjayî xelatê hate dîtin.&nbsp;

	&nbsp;

	XELATA TAYBET A JURIYÊ

	&nbsp;

	Juriyê îsal biryar da ku du Xelatên Taybet ên Juriyê bide. Di vê çarçoveyê de xelatek da nûçegihanên Ajansa Mezopotamyayê (MA) û JINNEWS’ê yên girtî ya din jî ji bo bîranîna rojnamegerên di erdhejê de jiyana xwe ji dest dayîn, da Nûçegihanê Rojnameya Sesê ya Hatayê Akin Bodur.&nbsp;

	&nbsp;

	Dê xelat, di 10’ê nîsana 2023’yan de di roja rojbûna Metîn Goktepe de bi torenekê bên dayîn.&nbsp;

	&nbsp;