
Malbata Şenyaşar: Em bi hêvî ne ku wê meha Remezanê edaletê bîne 

2023-03-23 11:58:46


	&nbsp;

	RIHA - Malbata Şenyaşar di roja yekem a meha Remazanê de hat ber edliyeyê û çalakiya xwe domandin. Malbata Şenyaşar li ser hesabe xwe yê medya dîjîtal jî ev peyam parve kir: “Bi hêviya ku meha Remazanê edalet û aramiyê bîne welatê me.”

	&nbsp;

	Xizm û parazvanên Parlamenterê AKP’ê yê Rihayê Îbrahîm Halîl Yildiz di 14’ê hezîrana 2018’an de li navçeya Pirsûs a Rihayê êrişî Malbata Şenyaşar kiribûn. Di encama êrişê de hevjîn û du kurên Emîne Şenyaşar hatin qetilkirin. Li ser vê yekê Emîne Şenyaşar û kurê xwe Ferît Şenyaşar di 9’ê Adara 2021’an de li pêşiya Edliyeya Rihayê dest bi çalakiya Nobeda Edaletê kir. Çalakiya Malbata Şenyaşar di roja 731’emîn de berdewam dike.

	&nbsp;

	Malbata Şenyaşar ku roja yekemîn a meha Remazanê ya îsal jî li ber edliyeyê pêşwazî kir ji mala xwe ya Pirsûsê hatin ber Edliyeya Rihayê û li ber pankarta ku li ser “Ji bo Malbata Şenyaşar edalet” dinivîsî çalakiya xwe ya îro dan destpêkirin.&nbsp;

	&nbsp;

	Malbata Şenyaşar tekildarî nobeda xwe ya îro li ser hesabe xwe yê medya dîjîtal ev peyam parve kir: “Îro roja yekem a meha Remazanê ye. Nobeda me ya Edaletê di roja 731’emîn de li ser rêya heq û edaletê, têkoşîna me bi bawerî berdewam dike. Bi hêviya ku meha Remazanê edalet û aramiyê bîne welatê me.”

	&nbsp;

	Malbata Şenyaşar wê di roja ewil a meha Remezanê de li ber edliyeyê fitara xwe bike.&nbsp;

	&nbsp;

	&nbsp;