
Li Meletiyê 107 hezar xanî li benda hilweşandinê ne 

2023-03-27 09:04:22


	&nbsp;

	MELETÎ - Li Meletiyê 153 hezar û 725 avahî hatin kontrolklirin û hat tespîtkirin 107 hezar û 915 avahî di rewşa lezgîn, xesara giran û hilweşandî de ne.&nbsp;

	&nbsp;

	Yek ji bajarê di bin tesîra erdhejên Mereşê de ma jî Meletî ye. Herî kêm hezar û 386 kesan jiyana xwe ji dest da. Li gorî daneyên Wezareta Karên Navxweyî û Walîtiya Meletiyê yên têkildarî hilweşandina li bajêr ku weşandine, ji her sê avahiyan avahiyek ya hilweşiyaye anjî xesarek giran dîtiye.&nbsp;

	&nbsp;

	Li gorî daneyên herî dawî ku Walîtiyê weşandiye, li Meletiyê bi giştî 153 hezar û 725 avahî hatine kontrolkirin. Ji van avahiyan 398 hezar û 822 beşên serbixwe cih digirin. Hejmara avahiyên lezgîn, xesara giran dîtine û hilweşiyane 45 hezar 81 heb in. Ji van avahiyan jî 134 hezar û 514 avahî ji beşên serbixwe lê hene.&nbsp;

	&nbsp;

	DANEYÊN XANIYAN&nbsp;

	&nbsp;

	Her wiha hejmara xaniyên ku ku rewşa wan lezgîn e, xesara giran û hilweşandî 107 hezar û 915’an e. Hejmara kargehên rewşa wan lezgîn, xesara giran dîtine û hilweşandî jî 19 hezar û 746 heb in. Her wiha hejmara axûrên rewşa wan lezgîn, xesara giran dîtine û hilweşandî jî 3 hezar 50 heb in. Xaniyhên di heman statûyê de tespîtkirin jî hejmara wan 3 hezar û 806 heb in. Hejmara avahiyên ku kavilên wan hatine rakirin jî hezar û 285 heb hatine eşkerekirin.&nbsp;

	&nbsp;

	Li bajêr kontrola avahiyan dewam dike û tê payîn ku hejmara avahiyên nikare lê bê mayîn zêdetir bibe.&nbsp;

	&nbsp;

	HEJMARA KONAN&nbsp;

	&nbsp;

	2 hezar û 142 heb kon rêxistinên sivîl li mexdûran belav kirine. Saziyên din jî bi giştî 71 hezar û 662 kon li mexdûrên erdhejê hatine belavkirin. Ji van konan 4 hezar û 301 heb li navenda Meletiyê ne. 65 hezar û 662 heb kon jî bi awayek şexsî li welatiyên li navend û navçeyan hatine belavkirin.&nbsp;

	&nbsp;

	Li gel ku nêzî du meh in erdhej pêk hatiye jî lê li Meletiyê heta niha 6 hezar û 976 konteynir li welatiyan hatine belavkirin.&nbsp;

	&nbsp;