
Dadgeriyê jî serdana li gel rojnamevan Altan ‘bifikar’ dît 

2023-04-04 11:22:38


	AMED - Rojnamevan Adnan Bîlen ê ku di lîsteya ziyaretvanan a Hevserokê DFG’ê Serdar Altan de cih digire hevdîtina wî bi “fikariyê” hat astengkirin. Li dijî astengiyê îtîraz hat kirin lê Dadgeriya Înfazê jî bi heman hincetê îtîrazê red kir.&nbsp;

	&nbsp;

	Li Amedê di çarçoveya Serdozgeriya Komarê ya Amedê de di 16’ê Hezîrana 2022’yan de 16 rojnamevanên kurd hatin girtin. Hevserokê Komeleya Rojnamevanan a Dîcle Firatê (DFG) û rojnamevan Serdar Altan jî di nav van 16 rojnamevanan de girtî ye. Li ser daxwaza Altan sê kes bi rêya qanûnî dikarin biçin serdanê. Rojnamevan Adnan Bîlen ê ku di lîsteya hevdîtinê ya Altan de cih digire, bi hinceta “fikariyê” hevdîtina wî hat astengkirin. Resûl Temûr ê parêzerê Serdar Altan, li dijî biryara rêveberiya Girtîgeha Amedê ya Tîpa D’yê serî li Dadgeriya Cezayê Înfazê ya Amedê da û îtîraz kir.&nbsp;

	&nbsp;

	Dadgeriyê îtîrazê nirxand û bi heman hincetê hevdîtinê wek “fikariyê” dît û îtîraza hat kirin red kir. Dadgeriyê di biryara xwe ya redkirina îtîrazê de dibêje ku lêkolîn hatiye kirin û hevdîtina Bîlen û Altan bi “fikar hatiye dîtin û lewma biryara redê daye îtîrazê.&nbsp;

	&nbsp;

	&nbsp;