
Kesên ji bo rojnameger Kartal daxuyaniyê didan hatin binçavkirin 

2023-04-04 15:11:09


	&nbsp;

	STENBOL - Komeke ku dixwest ji bo piştevaniya bi rojnameger Sezgîn Kartal re daxuyaniyê bide, rastî êrişa polîsan hat. Di êrişê de herî kêm 10 kes bi lêdanê hatin binçavkirin.&nbsp;

	&nbsp;

	Rojnameger Sezgîn Kartal, di 10’ê çileyê Roja Rojnamegerên Dixebitin di çarçoveya lêpirsîna Serdozgeriya Komarê ya Stenbolê de hate binçavkirin û girtin. Danişîna doza Kartal ku bi îdiaya “Endamtiya rêxistinê” tê darizandin, îro li 22’yemîn Dadgeha Cezayên Giran a Stenbolê hat lidarxistin. Gelek nûnerên sazî û komeleyên çep û sosyalîst ji bo piştgiriyê hatin pêşiya edliyeyê û xwestin bi daxuyaniyekê piştevaniyê bidin Kartal.&nbsp;

	&nbsp;

	Polîsan, bi hinceta biryara “qedexeya çalakî û xwepêşandanan” a Qeymeqamtiya Çaglayanê, destûr nedan ku kom daxuyaniyê bide. Çalakvanan jî bertek nîşandan. Polîsan, ji ewil girse dorpêç kir û rojnamegerên daxuyanî dişopandin bi darê zorê ji qadê dûr xistin.&nbsp;

	&nbsp;

	Li ser vê yekê girseyê dirûşmên “Sezgîn Kartal rojnameger e” û “Bila Sezgîn Kartal were berdan” berz kir. Polîsan êrişî girseyê kir, çalakvanan ji pişt ve kelemçe kirin û binçav kirin. Hat zanîn ku herî kêm 10 kes bi lêdanê hatine binçavkirin.&nbsp;

	&nbsp;