
Li 5 navçeyên Wanê buroyên hilbijartinê hatin vekirin 

2023-04-05 16:28:39


	&nbsp;

	WAN - Partiya Çep a Kesk, li navçeyên Erdîş, Westan, Bêgirî, Ebex û Payizavayê buroyên hilbijartinê vekir û ji bo serkeftinê banga mezinkirina têkoşînê hat kirin.&nbsp;

	&nbsp;

	Partiya Çep a Kesk li navçeyên navçeyên Erdîş, Westan, Bêgirî, Ebex û Payizavayê yên Wanê buroyên hilbijartinê vekir. Bi sedan kes tev li pîrozbahiya vekirina buroyan bûn.&nbsp;

	&nbsp;

	Li navenda Erdîşê vekirina buroyê bi rêzgirtinê dest pê kir. Bi sedan kesên beşdarî vekirina buroyê bûn dirûşmeya “şehîd namirin” berz kirin. Hevserokê DBP’a Wanê Harûn Okay di şahiyê de axivî û got: “Di serî de em azadiya birêz Ocalan û tevahiya girtiyên azadiyê dixwazin û divê demildest bên berdan. Her ku em li ber xwe bidin em ê bi ser bikevin. Lewma di pêşiya me de hilbijartinek dîrokî heye û ji bo em di vê hilbijartinê de bi ser bikevin divê em bikin. Gelê kurd tevî hemû zextan jî wê li ber xwe bide.”&nbsp;

	&nbsp;

	‘GELÊ KURD LI BER XWE DIDE’&nbsp;

	&nbsp;

	Hevberdevka Partiya Çep a Kesk a Wanê Gonul Ûzûnay jî axivî û li her qadê gelê kurd li ber xwe dide û û got: “Werin em bi hev re vê îktidara faşîst hilweşînin.”&nbsp;

	&nbsp;

	Li navçeya Ebexê jî buroya hilbijartinê ya Partiya Çep a Kesk hat vekirin. Gelek kes tev li bûn û govend gerandin. Dayikên Aştiyê kurdeleya buroyê birîn û vekirina buroyê pêk anîn.&nbsp;

	&nbsp;

	Her wiha Partiya Çep a Kesk li navçeyên Bêgirî, Westan û Payizavayê jî buroyên hilbijartinê hatin vekirin û bi sedan kes tev li bûn.&nbsp;

	&nbsp;

	VEKIRINA BUROYA MEZIN SIBÊ YE&nbsp;

	&nbsp;

	Vekirina buroya navendî ya Partiya Çep a Kesk li navenda Wanê pêk tê. Hevserokê Giştî yê HDP’ê Mîthat Sancar dê beşdarî vekirina buroyê bibe. Buroya hilbijartinê dê li Kolana Hunerê bê vekirin.&nbsp;

	&nbsp;

	&nbsp;