
Di Nobeda Aştiyê ya ÎHD’ê de bertek nîşanî êrişên nijadperest dan  

2023-04-07 16:28:11


	&nbsp;

	NAVENDA NÛÇEYAN - Di çalakiyên Nobeda Aştiyê ya ÎHD’ê de bertek nîşanî êrişên nijadperest ên li dijî kurdan hatin dayîn.&nbsp;

	&nbsp;

	Komeleya Mafê Mirovan (ÎHD) di her roja înê ya serê mehê de çalakiya Nobeda Aştiyê li dar dixe. Nobeda Aştiyê Îro jî li gelek navendan hat lidarxistin.&nbsp;

	&nbsp;

	Çalakiya Nobeda Aştiyê ya li Enqereyê li Şaxa ÎHD’ê hat lidarxistin. Gelek kes tev li bûn. Rêvebera Navenda ÎHD’ê Nûray Çevîrmen axivî û bal kişand ser şert û mercên pêkhatina aştiyê û bang kir ku hilbijartinek demokratîk û adilane pêk were.&nbsp;

	&nbsp;

	AMED&nbsp;

	&nbsp;

	Şaxa ÎHD’ê ya Amedê jî li avahiya xwe Nobeda Edaletiyê li dar xist. Rêveber û endamên ÎHD'ê û nûnerên rêxistinên sivîl tev li çalakiyê bûn. Rêveber û endamên ÎHD’ê di çalakiya îro de bal kişandin ser êrişên nijadperest ên li dijî kurdan. Sekreterê ÎHD’a Amedê Yakûp Guven daxuyanî da û anî ziman ku ew ê li dijî neçareserkirina meseleya kurd û êrişên nijdaperest û polîtîkayên cihêkar ên li dijî kurdan li ber xwe bidin û bisekinin. Guven bal kişand ser binpêkirinên mafan ên li Kurdistanê û got ew di serdemek ku nirxên demokratîk tune tên hesibandin de derbas dibin û bi her cure binpêkirina mafan û êrişên cihêkar re rûbirû ne.&nbsp;

	&nbsp;

	&nbsp;