
Bertek nîşanî binçavkirinan dan: Em ê dest ji Galatasarayê bernedin 

2023-04-08 16:59:26


	STENBOL - Xizmên windayan û parêzvanên mafên mirovan binçavkirina Dayikên Şemiyê şermezar kirin û gotin dê dest ji Galatasarayê bernedin.&nbsp;

	&nbsp;

	Xizmên windayan û parêzvanên mafên mirovan binçavkirina Hevseroka Giştî ya ÎHD’ê û Dayikên Şemiyê protesto kirin. Daxuyanî li avahiya ÎHD’ê hat lidarxistin û gelek kes tev li bûn.&nbsp;

	&nbsp;

	DÊ DEST JI MAF Û AZADIYÊN XWE BERNEDIN&nbsp;

	&nbsp;

	Xizma Windayan Setenay Yarici ewilî di civînê de axivî û xwest ku dorpêça li Gada Galatasarayê bê rakirin û ew ê dest ji maf û azadiyên xwe bernedin.&nbsp;

	&nbsp;

	Yarici da zanîn ku bi van sepanan Qanûna Bingehîn tê binpêkirin û got: “Em ê serî li ber van neheqiyan netewînin. Em ê her li windayên xwe bigerin û li aqûbeta wan bipirsin û daxwaz bikin ku kujer bên cezakirin. Em ê hesab ji kujeran bixwazin.”&nbsp;

	&nbsp;

	‘DIVÊ DEWLET LÊBORÎNÊ BIXWAZE’&nbsp;

	&nbsp;

	Farûk Eren ê birayê Hayrettîn Eren ku di binçavan de hat windakirin jî anî ziman ku ew ê dest ji lêgerîna windayên xwe û hesabpirsînê bernedin û divê dewlet ji Dayikên Şemiyê lêborîn bixwaze. Eren got ew ê her li Qada Galatasarayê bin.&nbsp;

	&nbsp;

	Muzaffer Yedîgol ê ku birayê wî Nurettîn Yedîgol di binçavan de hat windakirin jî anî ziman ku divê dewlet ji malbatên windayan lêborînê bixwaze û hindik ma ku ew bigihîjin edaletê û azadiya welat.&nbsp;

	&nbsp;

	Huseyîn Ocak ê ku birayê wî Hasan Ocak di binçavan de hat windakirin jî destnîşan kir ku heta ew negihîjin hestiyên xizmên xwe dê Qada Galatasarayê gora xizmên wan be û heta ew hestiyên xwe bibînin dê dest ji Galatasarayê bernedin.&nbsp;

	&nbsp;

	&nbsp;