
Polîsan êrişî malbata ku ji bo zarokê xwe çalakî li dar xistî kir

2023-04-09 12:13:20


	&nbsp;

	EDENE - Welatiyê bi navê Huseyîn Taşkiran li mala xwe ya li Yuregîrê hatibû kuştin û îcar jî bombeya deng avêtin mala wî. Malbata Taşkiran, ji bo protestokirina negirtina êrişkaran rê li ber trafîkê girt. Li ser vê yekê polîsan êrişî malbatê kir.&nbsp;

	&nbsp;

	Welatiyê bi navê Huseyîn Taşkiran ê 38 salî, di 6’ê adarê de li mala xwe ya li Taxa 19’ê Gulanê ya navçeya Yuregîr a Edeneyê rastî êrişa çekdarî hat. Taşkiran, li cihê bûyerê jiyana xwe ji dest da û nehat zanîn bê ka heta niha kesek ji ber kuştina Taşkiran hatiye binçavkirin an na.&nbsp;

	&nbsp;

	BOMBEYÊN DENG AVÊTIN MALÊ

	&nbsp;

	Piştî kuştina Taşkiran, li dijî heman malê gelek carên din êrişên çekdarî çêbûn. Malbata Taşkiran li malê dijî û îro di danê sibehê de bi bombeyên deng li dijî malê êriş hate kirin. Malbata Taşkiran hem ji ber negirtina faîlên zarokê xwe û hem jî ji ber êrişên tên kirin, li ser Cadeya Çukurovayê kom bû û rê li trafîkê girt.&nbsp;

	&nbsp;

	Li ser vê yekê gelek polîs sewqî cihê bûyerê hatin kirin û polîsan bi bombeyên gazê êrişî malbatê kir. Di dema êrişê de endamekê malbatê bi ser hişê xwe çû û rakirin nexweşxaneyê.&nbsp;

	&nbsp;