
Di Doza Kobanê de dê mutala were pêşkêşkirin   

2023-04-11 09:54:40


	&nbsp;

	ENQERE - Danişîna 24’emîn a Doza Kobanê dê 3 rojan berdewam bike. Di danişîna ku dê sibê dest pê bike de tê payîn ku dozger derbarê esasê de mutalaaya xwe pêşkeş bike.&nbsp;

	&nbsp;

	Danişîna 24’emîn a Doza Kobanê ku bi hêceta çalakiyên 6-8’ê Cotmeha 2014’an ên Kobanê hatiye vekirin dê di 12, 13 û 14’ê nîsanê de li 22’yemîn Dadgeha Cezayê Giran a Enqereyê ya li Kampûsa Girtîgeha Sîncanê were lidarxistin. Derbarê siyasetmedarên ji dozê tên darizandin de 3 hezar û 520 rûpel hatiye amadekirin. Şandeya dadgehê parastina siyasetmedaran asteng kiriye û dadger ji dozger xwest ku mutalaya xwe pêşkêş bike. Di danişîna dê sibê bê lidarxistin de tê payîn ku dozger mutalaya xwe pêşkêş bike.&nbsp;

	&nbsp;

	Hevserokên Giştî yên HDP’ê yên berê Selahattîn Demîrtaş û Fîgen Yuksekdag û endamên Desteya Rêveberiya Navendî (MYK) HDP’ê jî di nav de 28 siyasetmedar girtî û bi giştî 108 kes ji dozê tên darizandin. Di îdianameyê de derbarê 108 kesan de bi îdiaya “Xerakirina yekitiya dewletê û hevpariya welat” û 37 caran “kuştina mirovan” û ji gelek tawanên din ceza tê xwestin.&nbsp;

	&nbsp;

	BIRYARA AYM’Ê NEHAT NASÎN&nbsp;

	&nbsp;

	Dadgeha Destûra Bingehîn (AYM) berê derbarê qewimandinên 6-8’ê Cotmeha 2014’an de de derbarê Demîrtaş de biryara “ne sûcdar e” da. Serokkomarê AKP'yî Tayyîp Erdogan diyar kir ku ew vê biryara AYM’ê nas nake û bi gotin û daxuyaniyên xwe HDP’ê û Demîrtaş hedef da nîşandan û ferman da darazê ku ceza bibire.&nbsp;

	&nbsp;

	ÎKTIDARÊ FERMAN DA DARAZÊ&nbsp;

	&nbsp;

	Dadgeha Mafên Mirovan a Ewropayê (DMME) diyar kir ku çalakiyên ji bo Kobanê hatine lidarxistin tundî têde nebûye û di çarçoveya geşedanên siyasî de hatiye kirin. Îktidarê carek din biryara DMME’yê nas nekir û bi eşkereyî ferman da darazê ku dozê bidomîne û ceza li siyasetmedarên kurd bibire.&nbsp;

	&nbsp;

	Niha bi lez û bez tê xwestin di dozê de biryar bê dayîn. Li dijî van hemû tawanbariyan siyasetmedarên tên darizandin ji roja ewil a dozê ku di 26’ê Nîsana 2021’ê de hat lidarxistin diyar dikin ku ji çalakiyên Kobanê îktidar bi xwe berpirsiyar e û her cure belge, agahî û vegotinê pêşkêşî şandeya dadgehê kirin.&nbsp;

	&nbsp;

	DOZGER DÊ SIBÊ MUTALAYÊ PÊŞKÊŞ BIKE&nbsp;

	&nbsp;

	Doza ku nêzî du salan e didome ji her du hefteyan carek hat lidarxistin. Ji ber erdhejên ku navenda wê Mereş bû heta niha tu pêşketin di danişînê de çênebûye û sê caran taloq bû. Danişîna dawî di 7’ê adarê de hat lidarxistin.&nbsp;

	&nbsp;

	Di danişîna 24’emîn ku dê sibê bê lidarxistin de tê payîn ku dozger derbarê dozê de mutalaya xwe pêşkêş bike.&nbsp;

	&nbsp;

	MA / Enes Beyaz

	&nbsp;