Cihê ku hestiyên mirovan lê hatin dîtin hat betonkirin! 

2023-04-11 21:06:36


	 

	WAN- Di dema kolandina hewşa Dibistana Navîn ya Husrev Paşa de gelek hestiyên mirovan hatin dîtin. Bêyî ku lêpirsîna Serdozgeriya Komarê ya Wanê bi dawî bibe, qada ku hestî lê hatin dîtin hat betonkirin. 

	 

	Di 30'yê Adarê de di dema kolandina hewşa Dibistana Navîn a Husrev Paşayê de gelek hestiyên mirovan hatibûn dîtin. Piştî ku haya Komeleya Mafên Mirovan (ÎHD) a Şaxa Wanê pê hatibû xistin, rêveberên komeleyê çûbûn cihê bûyerê û zabitname çêkiribûn. Heya niha li vir 2 qoqên seriyan û gelek hestî hatine dîtin. Hestî bi qasî du metreyan di bin erdê de bûn û li kêleka hev rêzkirî bûn. 

	 

	Piştî vê Serdozgeriya Komarê ya Wanê jî karê kolandinê dabû sekinandin û lêpirsîn dabû destpêkirin. 

	 

	Hestiyên hatibûn dîtin ji Saziya Tina Edlî re hatibûn şandin. Hat diyarkirin ku ev qada ku hestî lê hatine dîtin berê goristana ermeniyan bûuye. Navenda Mafên Mirovan a Baroya Wanê têkildarî mijarê daxuyandibû ku di çarçoveya lêpirsînê de ji wan re hatiye gotin ku cihê ku hestî lê hatine dîtin berê goristaneke ermeniyan bûye.

	 

	HAT BETONKIRIN

	 

	Bêyî ku lêpirsîn bi dawî bibe ji duh ve li vir karê înşeatê didome. Qada ku ji bo çêkirina dibistana nû hatiye çêkirin, hat betonkirin. Baroya Wanê bertek nîşanî vê da û got ku ev nayê qebûlkirin û lêpirsîn ji waliyê wan bi awayekî baldar tê şopandin. 

	 

	MA / Cengîz Ozbasar