
KESK bû mêvanê sifreya fitariyê ya malbata Şenyaşarê 

2023-04-14 21:09:10


	&nbsp;

	RIHA - Platforma Şaxên Amedê ya KESK'ê bû mêvanê sifreya fitariyê ya malbata Şenyaşarê.

	&nbsp;

	Xizm û parazvanên Parlamenterê AKP’ê yê Rihayê Îbrahîm Halîl Yildiz di 14’ê Hezîrana 2018’an de li navçeya Pirsûs a Rihayê êrîşî malbata Şenyaşarê kir. Di encama êrîşê de hevjîn û du kurên Emîne Şenyaşarê hatin qetilkirin. Li ser vê yekê Emîne Şenyaşar û kurê wê Ferît Şenyaşar di 9’ê adara 2021’ê de li pêşiya Edliyeya Rihayê dest bi çalakiya Nobeta Edaletê kirin. Çalakiya Malbata Şenyaşarê di roja 753’yan de berdewam dike.

	&nbsp;

	&nbsp;Malbata ku li ber pankarta "Ji malbata Şenyaşar re edalet" nobetê digre, bi boneya meha Remezanê li vir jî difitire.

	&nbsp;

	Îro Platforma Şaxên Amedê ya Konfederasyona Sendîkayên Kedkarên Cemaweriyê (KES) bû mêvanê sifreya fitariyê ya malbata Şenyaşarê.&nbsp;

	&nbsp;

	Endamê Meclisa Giştî ya KESK'ê Yilmaz Guneş beriya fitariyê axivî. Guneş destnîşan kir ku heya daxwaza ji bo edaletê ya malbata Şenyaşarê pêk neyê, ew ê li cem malbatê bin.&nbsp;

	&nbsp;

	Ferît Şenyaşar jî bal kişand ser yekîtiyê û got ku ew ê bi ser bikevin.&nbsp;

	&nbsp;

	&nbsp;