
‘Li girtîgehên Dûmlûyê girtî di hucreyên yekkesî de tên girtin'

2023-04-16 09:05:58


	WAN -Hevseroka Şaxa OHD'a Wanê Mehtap Işik diyar kir ku li Girtîgeha Hejmar 1 a Dûmlûyê û Girtîgeha Hejmar 2 ya Dûmlûyê girtî di hucreyên yekkesî de tên ragirtin û got ku dê giliyê berpirsan bikin.&nbsp;

	Şaxa Komeleya Hiqûqnasên Ji Bo Azadiyê (OHD) ya Wanê, dê ji ber binpêkirinên mafan ên li Girtîgeha Hejmar 1 a Dûmlû ya Erziromê û Girtîgeha Hejmar 2 ya Dûmlû ya Erziromê giliyê dozgerê girtîgehê û rêveberên wê bike. Hevseroka Şaxa OHD'a Wanê Mehtap Işik, anî ziman ku li girtîgehên Dûmlûyê pêwendiya girtiyan a bi hewa û ronahiyê re hatiye qutkirin û got ku ji ber ku qanûnên înfaza ceza tên binpêkirin dê giliyê berpirsan bikin.&nbsp;

	&nbsp;

	DÊ GILÎ BIKIN

	&nbsp;

	Işik destnîşan kir ku çendî her du girtîgehê wekî "girtîgehên ewlehiya bilind" bin jî, lê tam ne diyar bê ka bi kîjan tîpê ne û got ku tevî girtiyên ku cezayê muebeda giran li wan hatiye birîn, girtiyên ku cezayên wan sînorkirî û girtiyên ku darizandina wan hê jî didome di hucreyên yekkesî de tên girtin. Işik da zanîn ku piraniya van her du girtîgehan ji qawîşên yekkesî pêk yên û yên mayî jî qawîşên sê kesî ne. Işik diyar kir ku girtiyên edlî di qawîşên sê kesî de dimînin.

	&nbsp;

	

	Hevseroka Şaxa OHD'a Wanê Mehtap Işik

	&nbsp;

	Işikê destnîşan kir ku dozgerê girtîgehê û îdareya girtîgehê li gor qanûna înfaz acez ahereket nakin û Wezareta Dadê jî kontroleke baş nake. Işikê destnîşan kir ku ew ê ji ber van binpêkirinên mafan giliyê dozgerê girtîgehê û rêveberiya wê bikin û got: "Ev girtîgeh qanûnan dieciqînin û sûc dikin."&nbsp;

	&nbsp;

	PÊWENDIYA WAN BI RONAHÎ Û HEWAYÊ RE TÊ BIRÎN

	&nbsp;

	Işikê bilêv kir ku li girtîgehên Dûmlûyê ji binpêkirinên mafan ên herî mezin bi têlan girtina ser hewadariyê ye û got: "Li Girtîgeha Dûmlûyê polîtîkayeke taybet tê pêkanîn. Girtî tenê saetekê an jîs aet û nîvê dikarin biçin hewadariyê û îdareya girtîgeê paceyên qawîşan bi têlan girtiye. Ev mafê tenduristiyê yê girtiyan binpê dike. Ev têl nahêlin hewa bê hundir û tav li hundir bixe. Girtî dibêjin, 'Pêwendiya me ya bi derve re bi temamî tê qutkirin.' Ji lew re pêwendiya wan a bi ronahî û hewayê re jî tê qutkirin."&nbsp;

	&nbsp;