
Li şaredariya qeyûm lê tayînkirî nelirêtiya mucurê: Kesek ji peywirê hate dûrxistin  

2023-04-18 15:10:08


	&nbsp;

	AMED - Şaredariya Peyasê di bin rêveberiya qeyûm de ye û di îhaleya îhaleya mucurê de nelirêtiyeke mezin hatiye kirin. Li gorî agahiyan, kamyonên mucurbarkirî gelek caran hatine kêşandin, mucura li rêyan nehatiye rêtin weke ku hatibin rêtin hatiye nîşandan û fatûre hatine birîn. Ji ber nelirêtiyê, Midûrê Karên Fenê ji peywirê hate dûrxistin.&nbsp;

	&nbsp;

	Derket holê ku di îhaleya mucurê ya Şaredariya Peyas a Amedê ya di bin rêveberiya qeyûm de 20 milyon TL nelirêtî hatiye kirin. Qeyûmê Şaredariya Peyasê û qeymeqam Arîf Karaman piştî li şaredariyê hate tayînkirin, hevbajariyê xwe Anil Alper anî Amedê û kir Midûrê Karên Fenê yê Şaredariya Peyasê. Li gorî agahiyên li ser çapemeniyê hatine parvekirin; Alper û komeke xebatkarên şaredariyê di îhaleya mucurê de (weke amûreke çêkirina rêyan tê bikaranîn) şaredarî 20 milyon TL şêlandine.&nbsp;

	&nbsp;

	QEYÛM JI BO HEVBAJARIYÊ XWE KETE DEWRÊ

	&nbsp;

	Derket holê ku kamyoneke mucurê gelek caran hatiye kêşandin, mucura ku li rêyan nehatiye rêtin jî weke ku hatibe rêtin hatiye nîşandan û fatûre jî li gorî vê hatine amadekirin. Li ser van îdiayan, cîgirê serokê şaredariyê yê ji karên fenê berpirsyar dest bi lêkolînê kir û tespît kir ku 12 milyon û 320 hezar TL nelirêtî hatiye kirin. Li gorî daneyên ewil ên lêkolînê; bi bihayê 20 milyon TL’an nelirêtî hatiye tespîtkirin. Hat ragihand ku tevî rapora cîgirê serokê şaredariyê jî, qeyûmê Şaredariya Peyasê Arîf Karaman dest neda hevbajariyê xwe Anil Alper.&nbsp;

	&nbsp;

	TEVAHIYA SÛC XISTIN STÛYÊ 3 KARKERAN

	&nbsp;

	Qeyûm Arîf Karaman, hewl da tevahiya sûcê nelirêtiyê têxe stûyê 3 karkeran ku ji nelirêtiya heyî parekî pir biçûk girtine. Piştî ku nelirêtiya hatiye kirin derket asteke wisa ku nema dikare were veşartin, Anil Alper ê ji Trabzonê hatî Amedê û bûye Midûrê Karên Fenê ya Şaredariya Peyasê ji peywirê hate dûrxistin.&nbsp;

	&nbsp;

	JI PEYWIRÊ HATE GIRTIN

	&nbsp;

	Li şûna Anil Alper ku di heman demê de Midûrê Xizmetên Piştevaniyê ya Şaredariya Peyasê bû, Cîhad Kayhan hate tayînkirin.

	&nbsp;

	HEM DOZGER HEM JÎ WEZÎR BÊDENG E

	&nbsp;

	Serdozgeriya Komarê ya Amedê têkildarî îdiayên nelirêtiyê heta niha jî dengê xwe nekiriye û hat zanîn ku Wezareta Karên Hundir a Tirkiyeyê jî têkildarî nelirêtiyê tu lêpirsîna îdarî nedaye destpêkirin.&nbsp;

	&nbsp;